Pakistoniro İroni qazi lulə xəti əhəmiyyət
Pakistoni məclesi tojə sədr, bə İslom Abad-Tehroni 2tərəfiyə həmkoətion inkişofi komək kardeyro de təkid bə parlamentt zərfiyəton istifodə kardey təkidış kardə iyən votışe: İRoniku qazi ovoştoniyə lulə xət, Pakistoni enerji ehtiyocon təmin kardeyro vey muhimme.
Bə İrna raporti əsos, Pakistoni parlamenti tojə rəyis, Sərdar Əyaz Sadığ de Pakistonədə İroni səfir, Rıza Əmiri Moğəddəmi vindemonədə əlovəş kardə: bə iğtisodi həmkoətion əlovə bey iyən ticori miğdori zumand kardeyro bəpe 2 qılə kişvəri parlamenti həmmə zərfiyətonku istifodə bıbu.
Sərdor Əyaz Sadığ məntəğə və beynəlxalğə ticori əlovə bey cəhətədə İron və Pakistoni coqrafiya mıvğiyətivey muhimm zınəşe ijən təsdiğış kardə: mıştərəkə marzonədə 2tərəfi ticori zumand kardey iyən iğtisodi həmkoətion hevujətiro bəpe bə texniki məsələon əhəmiyyət bıdəmon.
Əmiri Muğəddəm həm Sərdor əyaz Sadıği bənə Pakistoni parlamenti rəyisi vıjniye bəy təbrik votışe iyən ıştə umu nışoş do ki tojə devrədə Tehron iyən İslom Abadi miyono həmkoətion xususi parlamenti diplomatiya baxşədə əlovə bıbu.
