Pokistoni Lahor şəhrədə Fələstini himoyədoron yolə ictima
Pokistoni millət, Fələstini məzlumə millətiku himoyə kardeyədə Lahor şəhrədə mitinq bərpo və de Ğəzzə tanqə milləti hambasteqi kardışone.
Bə İrna raporti əsos, Pokistoni Lahor şəhrədə Amerkə sərkonsulqəri nezədə, Fələstini muğaviməti tərəfdaron de cəmaəte islomi nomo partiya cəhdon vositə, hevujə ictima bərpo kardışone. ım ictimaədə iştirokəkəyon Fələstini ozodiku himoyə iyən Fələstini milləti qenosid və ğətliam kardeyədə sioniston cinoyəton məhkum kardışone.
Pokistoni cəmaəte islomi nomo partiya rəhbər, Hafiz Nəim Əlrəhman bə Ğəzzə şəhidon ehtırom noey bəpeşt, sioniston cinoyəton vədə, muğaviməti cəhbə rəhbəron muğavimətiku ğədrdonətiş kardə və votışe: Pokistoni millət hiç vaxt, de israil sazış nibəkan və sionist rejimi rəsmi kişvər zıneydə ni.
