İ Bıə Milləton Təşkilotədə, Pokiston bə Fələstini komilə uzviyəti təkidış kardə
İMT-ədə Pokistoni daimə nımoyəndə, ım təşkilotədə bə Fələstini komilə uzviyəti təkidış kardə.
Dəvardə Aprelə manqi 18 minnə rujədə qıləy holədə ki əmniyyət şura 12 qılə uzv əcumlə Rusiyə və Çin İ Bıə Milləton Təşkilotədə bə Fələstini komilə uzviyət ğətnomə mısbətə sədoşon doə be, Amerkə ım ğətnomə vetoş kardə.
Fələstini mıstəğilə kişvər tosə ısət 140 qılə İMT uzvon tərəfo rəsmi zıneydə be iyən 95 qılə kişvərədə Fələstini daimə nımoyəndəti və səforətxonə mevcude.
Bə İrna raporti əsos, İMT-ədə Pokistoni daimə nımoyəndə Monir Əkrəm votışe: ısətnə daveon həlliro İ Bıə Milləton Təşkilotədə Fələstini komilə uzviyəttəsdiğ kardey və veto həxi oqətey vey əhəmiyyətış heste.
Monir Əkrəm ijən əlovəş kardə: İslom Abad Əmniyyət şuraku tələbış kardə ki bə ictimaiyəti fikon əsos, İ Bıə Milləton Təşkilotədə Fələstini komilə uzviyəti təğib kon.
