12 numrəninə cəzokəşə muəssisədə bə dini fəalon işqəncə doə bedə
Mısılmon İbemon Hərəkati sərdor, 9 sore dəstqirətiədə bə ilahiyyatəvon Taleh Bağırzadə 12 numrəninə cəzokəşə muəssisədə de kışte təhdid, bə əlidə dini məhbuson işqəncə doə be xəbə doə bedə.
Bə Tolish Media raporti əsos, Hərəkatiku pevolo kardə məlumatədə, Bağırzadə bəstə sə oməyon barədə qəpış jə. De əçe sıxani, 12 numrəninə cəzokəşə muəssisədə ov problemi hıste. Xususən qamiədə ın problem həniən vey, muəssisədə notəmizəti bedə. Dın problemi anqıl bə muəssisə rəhbərəti ovardə bə. Hətto de media vasitən cəzokəşə muəssisədə bın problemi nəzə səğandə bə.
Taleh Bağırzadə cəzokəşə muəssisədə ov nıbe, antisanitariya vəziyyət, buəvulə eğəte votəşe. Ey may 8-də maştəvo bimi etirozış kardə. Cəzokəşə muəssisə rəhbərəti problemi həll karde əvəzi, ımoni bə zıvon vardə kəson cəzo doe ğərarış doə.Əziz Tağıyevi yoliəti kardə dastə bəvon beəmonə işqənconış doə, bə Taleh Bağırzadə de kışte tars ehaştə bə.
Mısılmon İbemoni Hərəkat ğərəyz Ombudsman Aparati, bə beynəlxalq onemonon ovardə, cəzokəşə muəssisədə bəyon diğğətədə oğəteş rico kardə.
