Ərdoğan: bo israili vəhşiyə hərəkəton hiç vavonə ni
Jun 01, 2024 14:28 Asia/Tehran
Tırkiyə prezdent, Ğəzzə tanqə cənub, Rəfəhədə bə Fəlstinıjon kəmpi israili rejimi ləşkəri həmlə, sioniston vəhşiyə hərəkət zınəşe.
Bə Anatoli aqentiyəti raporti əsos, Pencşəmbə rujədə Tırkiyə prezdent, Rəcəb Təyyeb Ərdoğan co kərə Rəfəhədə bə Fələstini əsiron kəmp israili ləşkəri həmlə dəvomiku ki boyis bıə 45 nəfəriku vey şəhid bıbun ıştə tənğidi elonış kardə ijən votışe: ım insoniyəti oxoe, və jığo vəhşiyə koonro hiç tovcih ğəbul kardənin ni.
Ərdoğan ijən təsdiğış kardə: 36 həzo nəfəriku vey Fələstinıjon ğətliam kardey və 80 həzo nəfəriku vey bıqınohə molki şəxson zəxmin kardey, iyən bə xorək sıey riyədə həmlə kardey, canq ni bəlkəm qenosid və tuməbırə cinoyəte.
