Pokistoni xarıci vəzorətxonə sıxənəvot: de İron marzi həmkoətion vey çokə prossesədə ğərorış qətə
Pokiston9 xarıci vəzorətxonə sıxənəvot de işorə bə əfsəron ki tojədən İron vöə Pokistoni miyono mıbodilə bıən, əlovəş kardə: çəmə marzo, sulh və dusti marze və 2 qılə kişvəri ısətnə həmkoətion vey çokə prossesədəy.
Bə İrna raporti əsos, cımə rujədə, Xanım momtaz Bəluç İslom Abadədə xəbəiyə iclosədə votışe: tojədən, İron İslom Respublika və Pokistoni hərbi rabitəon əfsəron ıştə fəaliyəti bino kardışone və ım nışoş do ki həmmə tərəfiyə həmkoətion hevujəti çəmə mıştərəkə təəhude xususi marzi əmniyyəti baxşonədə.
Pokistoni xarıci vəzorətxonə sıxənəvot ijən təkidış kardə: 2 qılə kişvəri marzi həmkoətion səviyə vey çoke və həminə cəhətədə, de terrorizm, Ğaçağ, mutəşəkil bıə cəzoon vədə mubarizə bardey və mıştərəkə marzonədə ğeyri ğanuni şe-omey vəy qəteyədə, Pokiston de İroni 2tərəfiyə həmkoətion zumandətiro vey ğoyme.
Aprelə manqi 22 minnə rujədə bə Pokiston İroni bə rəhmət şe prezdent şəhid Seyd İbreym Rəyisi rəsmi səfə cərəyonədə 2 qılə kişvər həmkoəti təvafuğnomə imzo kardeşone be.
