Laricani:islamiyə məmləkəton ıştə həxiku mıdofiyə kardeyu bəpe veyə fəaliyyət nışon bıdən.
İroni islamiyə şura məclisi rəis zinə tehronədə de İndoneziya məclisi rəis Fədli Zon vindımonış dəvoni və votışe:islamiyə məmləkəton ıştə həxiku mıdofiyə kardeyu bəpe veyə fəaliyyətışon bıbo.
Əli Laricani işarəş karde islamiyə məmləkəton cəmiyyət iyən enerji cəhətonədə çokə şərayetışon heste və ıştə sıxanon dəvomədə əlavəş karde islamiyə məmləkəton bəpe çı şərayetonku ıştə hədəfon bə nəticə rosneyu istifadə bıkən.
ironi islamiyə şura məclisi rəis eyne holədə tehronədə bə islamiyə həmkarəti təşkilati uzv bə məmləkəton məclison 13 minnə iclos işarəş karde və votışe: jıqo icloson bərpo karde islamiyə məmləkəton bə iyandı nez bəkay iyən islam dınyoədə bıə problemon həlli həm komək bəkay.
Əli Laricani omidvarətiş karde islamiyə həmkarəti təşkilati uzv bə məmləkəton məclison 13 minnə iclosədə mıslmonon həxiku mıdofiyə kardeyu zumandə siyasəton nəzədə qətə bıbo.
