Laricani məntəğədə Amerkə fitnəqərə hərəkəton vədə bə islamiyə məmləkəton huşin be işarəş karde.
İroni islamiyə şura məclisi rəis məntəğədə Amerkə fitnəqərə hərəkəton vədə bə islamiyə məmləkəton huşin be işarəş karde.
Bə İRNA xəbon əsosi Əli Laricani zinə tehronədə islamiyə həmkarəti təşkilati uzv bə məmləkəton məclison rəison 13 minnə konfransi bə oxo rəse mərasimədə jurnaliston cəmədə təşkil doə xəbəriyə iclosədə Suriyə Rəğğə şimal hissədə amerkəvıjon tərəfo icod bə hərbiyə mərkəzon barədə votışe:islamiyə məmləkəton məxsusən devlət əpe Amerkə munağişəon barədə huşin bıbon.
Laricani məntəğədə bə Amerkə problem icod kardə hərəkəton işarəş karde və votışe:çə vaxtiku ki bə İŞİD terroristiyə qrupi zid İron Turkiyə və Rusiyə koalisiya icod bı və ciddiyə zərbə bəvon qıni amerkəvıjon nıpiyəşone bə domo bımandon və boçimi xoto hərəkətışon karde məntəğədə huzurışon bıbo.
İron İslam Respublika islamiyə şura məclisi rəis suriyədə amerkəvıjon huzurış terroristonku tərəfdarəti karde xoto zınəşe və əlavəş karde Amerkə veyə boonış bə Suriyə daxil kardə.
