İroni bumi hərbi təchizaton dınyo zumandə kişvəron cəmədəy.

İroni sepah təşkilati Avyasiya ğıvvon fərmondə bə İronədə bumi texnoloqiyaon işorə və təkidış karde: İroni bumi zərfiyəton, dınyo barzə kişvəron cəmədəy.

Bə İrna raporti əsos Qeneral Əmir Əli Hocizodə Tehronədə Xatəmol Ənbiya ğərorqo fərmondə və koəkəyon cəmədə bə ım ğərorqo 30 sornə xidməton işorəş karde və votışe: de muğavimət və səy və cəhdon ısət vey zalimanə sanqsiyaon nə ın ki be əsər bıə bəlkəm bənə fırsət sənaye, enerji və iğtisod sahəonədə daxıli zərfiyəton inkişofi bə vıcudış varde.

Qeneral Hocizodə təsdiğış karde: bə İroni inğilobiyə cıvonon zərfiyət və elmi əsos vey problemon məhv bin ki ısət ım muvəffəğə təcrubəku co baxşonədə istifodə karde bəbe.

İroni sepah təşkilati Avyasiya ğıvvon fərmondə əlovəş karde: de inğilobi və cəhodi ənqizəon bənə muğəddəsə mudafiə dıvrani karde bəznemon iğtisod və co baxşonədə səbarz bıbəmon.