İron bə dışmonon ziyod tələbion saxtə reaksiya nışo bədoy.
Hərbi mudafiə sahədə İroni Yolə Rəhbəri məxsusə məsləhətçi votışe: əqə dışmon İroni vədə məhdudiyət və noəmnəkə planon icra karde fikədə bıbu vey saxtə reaksiyaon bəvinde.
Qeneral Mayor Husein Dehğan bə Əlaləm kanali votışe: İroni hərbion vey komilə hozzoətətiədən və ısət dəvardə dıvraniku vey məntəğədə Amerkə mənafe və hərbion çəmə tirrəsədən.
Əv məntəğədə noəmnion əsliyə illəti, ğərbi, ərəbi və ebəri 3 tərəfə xəbisə həmkarion nəticə bə hisobış varde və təkidış karde ki Asiya ğərb məntəğədə noəmnə vəziyəti icod kardeku hədəf ım məntəğə mənabe ğarət karde iyən siloh həvateye.
Hərbi mudafiə sahədə İroni Yolə Rəhbəri məxsusə məslehətçi bə ım nuktə işorəş karde ki İron hiç faxt məntəğədə bıhran icod karde pidəş nıbe votışe: İron məntəğədə əmniyyəti mudafiəkəy və ım sahədə vey xərcon doeşe.
Qeneral mayor Dehğan bə İraği vəziyət həm işorəş karde və votışe: Ərəbiston, sionist rejim və Amerkə İrağədə mıdoxilə karde çərçivədə kokardən boçi ki əvon zumand və mıstəğilə İraği pidəşon ni.
Hərbi mudafiə sahədə İroni Yolə Rəhbəri məxsusə məslehətçi təkidış karde: İraği millət bəpe icozə nıdən ki aksiyaon sulhin çərçiviku xaric bıbu.
