Bə 6000 nəfər nezi İronədə koronavirusi qətə kəsonku çok bin.

İroni səhiyyə vəzarətxonə elanış karde ki detosə bə ısət 5710 nəfər İronədə bə koronavirusi mıbtəlo bıə kəson çok və noxəşxonəonku ozod bıdən.

Bə həminə raporti əsos İronədə 17361 nəfər koronavirusi qəteşone ki çəvonku 1135 nəfər mardən.

İronədə koronavirusi rəvoc peydo karde bəpeştə ısət bənə dəvardə haftəon maştəvoni cumə nımoj həm ləğv elan be.

Qılə holədə ki anti İron zalimanə səhiyyə sanksiyaon dəvom kardedə xəbə ome ki ijən Çiniku səhiyyə və təyeb homanitarə koməkon bə İron varid be.

Diplomatik həmkari və fəaliyəton dəvomədə həm xəbə ome ki İron və Çini xarıci vəziron de koronavirusi mubarizə meydonədə əloğəon çərçivədə zinə de telefon muzakirəşon karde.