İronədə koronavirusi noxəşonku 83 həzo nəfər çok bin.
İroni səhiyyə vəzarətxonə elanış karde ki tosə bə ısət 82744 nəfər İronədə bə Koronavirusi mıbtəlo bıə kəson vəziyət çok və əvon noxəşxonəonku ozod bin.
Bə həminə raporti əsos detosə bə ısət 103135 nəfər İronədə Koronavirusi qəteşone ki de təəssufi çəvonku 6486 nəfər mardən.
Bə oxonə statsikaon əsos dınyoədə Koronavirusi qəte kəson miğdor şeşe bə 4 milyon nəfər rəseydə.
Əmmo zinə İroni prezident Həsən Ruhani, de Korona mubarizə barde məxsusə iclosədə təkidış karde ki bə xarıci şəhrvandon həm xidmət karde bəpe bənə İronıjə noxəşon həmçınan dəvom peydo bıkə.
İronədə bəzi qədə şəhronədə vəziyəti normal bey bəpeştə xəbə ome ki 157 məntəğədə ımruj cumə nımoj de səhiyyə vey prinsipon rioyət karde bərpo bıə.
Beynəl xalğ həmkarion dəvomədə həm ımruj de Koronavirusi mubarizə barde xoto təyeb təchizaton və homanitarə koməkon 2 minə baxş həm Omaniku bə İron varid be.
