İslami inğilabi yolə rəhbər: məntəğə problemon rişə Amerkə dəxalət kardey.

İslami inğilabi yolə rəhbər həzrət ayətullah Xamenei məntəğədə ımrujə problemon rişəş bəzi yolə ğıvvon dəxalət kardeş zınə.

İslami inğilabi yolə rəhbər zinə əsrə vaxti de İsveç məmləkəti 1 minnə vəzir Stefan Lofonı vindımonədə votışe:Amerkə və xəyli avropaiyə ğıvvon Suriyə və iraği telə hadison icod kardeədə rolışon bə və məntəğə cəmiyyət  çı dəxalətonku aqahətişon heste və səhihə holətədə bəvon bevəcə diyəşon heste .

islami inğilabi yolə rəhbəri  məntəğə problemon həl karde roş məntəğə daxilədə zınəşe və irağədə bə vəziyyəti çok be işarə kardeədə əlavəş karde Suriyə məsələ həl karde imkon həm dı tərtibi mumkine əmmo çəy lozim bə çi terroriston iyən canqi rostkardəkəsonku tərəfdarətion ğət kardey.

yolə rəhbəri Suriyə devləti muxalifon miyonədə bəzi ğərbiyə məmləkəton səfiron huzur və səxavətinə holətədə silah bəvon təhvil doe suriyədə muxalifəton təşkil beədə  bə problem doçar bə dəxalətonku qıləy nımonəş zınə. və votışe: problemon həl kardeyu bəpe problemon rişə pəydo karde və peso əy dəmon karde.

islamiyə inğilabi yolə rəhbər həmçinin 1 sor nimi dılədə bə tehron bəzi avropaiyə devləton şe ome kardeku işarəş karde və eyne holədə xəyli əncum bə təvafuğon əməli nıbe barədə sıxanış karde və bə İsveç məmləkəti 1 minnə vəziri votışe: jəqo ki şıməku aqahətim heste şımə iğdam və əməlı əhl hestin və intizar heste  jıqo əməl bıkən ki təvafuğ bə çion əncəx koğəzi piyo nımando.

yolə rəhbəri beynəlxalğə təşkilati əmniyyət şuraədə İsveç məmləkəti uzviyətiyu bə ironi mısbətə sədo işarəş karde və votışe: əmniyyət şura muhimmə şərayetış heste ki de təəssufi bəzi yolə ğıvvon dastədə zindoni bə.

əmmo eyne holədə bəbe mısbətə rolon ifa kardeədə çı təşkilati tərəfiku 2 dimə ıstandardon əy qəteyu fəaliyyət karde.

islami inğilabi yolə rəhbər bəhmən manqi 22 nə ruji aksiyaədə ironi milləti nımonə huzurış həm ironi milləti şur və həyəcan və hozzı mandeku qıləy nımonəş zınə və votışe: dınyoədə inğilabon sorqardımon simvolinə hərəkəte və de hərbiyə parad mərasimi bərpo karde iyən bəzi ziyalliyə şəxsiyyəton və siyasiyə rəsmi şəxson huzurədə bərpo bedə əmmo ironədə islamiyə inğilabi səbarzəti sorqardımon qıləy həğiğiyə şoə mərasime ki həmmə qruponədə bıə milləti dastədə bərpo bedə.