Kəmalvəndi bə atom enerji beynəlxalğ təşkilati doə nota.

İroni atom enerji təşkilati sıxanəvot bə atom enerji beynəlxalğ təşkilat rəis notaş do iyən votışe ki ın təşkilot bəpe ğeyri mənteği pesoxtə bıə qəponku ki de siyosi hədəfi bəyon bıdə diyəro bıbu.

Behruz Kəmalvəndi zinə bə İsna aqentiyəti votışe: əqə mətləbon texniki cəhəto bıbu, bəpe de atom enerji beynəlxalğ təşkilati prinsipon həmohənq bəyon bıbu ta de ın təşkiloti prossesi təğib bıbu, çən ın sahədə bıə məsələon çı media hənəkon meydon nl!

Kəmolvəndi dəvomış do: jığo intizore ki atom enerji beynəlxalğ təşkilati yol bənə çın muhimmə beynəlxalğə təşkiloti rəis siyasi vindemoniku bə kəno bıbu və mığət bıbu ta dıştə vindemon və sıhbəton vəzityəti mırəkkəb ya xod atom enerji beynəlxalğ təşkilati uzvon miyono əloğəonədə behron icod nıko.

İroni atom enerji təşkilati sıxanəvot votışe: şək ni ki kali nadırıstə sıxanon və siyasi mıvğiyət qətey vəziyəti mırəkkəb bey bois bəbe.