Asiyaədə İroni cıvonon ozodə dəçıke milli kamanda, iğtidorinə ğəhrəmonəti.

Asiyaədə İroni cıvonon ozod dəçıke milli kamandə de 8 qılə telı və 1 qılə nığe medalon iyən de 228 imtiyozi, iğtidorinə ğəhrəmonətiş kəsb kardə.

Bə İrna raporti əsos, dəvardə rujonədə Bəhreyni Mənameədə Asiya ğəhrəmonəti cıvonon ozodə dəçıke riğabəton bino bıə be, ım mısobiğəon de vey çokə kamandəon elan bey bə oxo rəsə.

Həminə mısobiğəonədə, İroni kamandə de 8 qılə telı və 1 qılə nığe medalon iyən de 228 imtiyozi və de 2 minnə kamdə 43 imtiyoz ixtilof, muvəffəğ bıə iğtidorin surəti ğəhrəman bıbu, və Asiyaədə qıləy torixiyə rekordi ğeyd ko.

Mısobiğədə, Hındustani kamandə de 185 imtiyoz və Ğəzaxıston de 148 imtiyozi 2 minnə iyən 3 minnə vırəonədə ğəror qətəşone.

Im mısobiğəonədə İroniro, 61 kilo vəzədə, Armin Həbibzodə, 70 kilo vəznədə, Husein Muhəmmədağay, 74 kilo vəznədə İrfan İlahi, 79 kilo vəznədə, Sobhane Yari, 86 kilo vəznədə, Aref Rəncbər, 92 kilo vəznədə, Mobin Əzimi, 97 kilo vəznədə ƏmirƏli Azərpira iyən 125 kilo vəznədə Salar Həbibi bə telı medal, və 57 kilo vəznədə Rıza Moemeni bə nığə medali dast peydo kardışone.