Ğədire Xumi bərəkətinə id, Həzrəte Məsumə(s)-i pokə hərəmi de vıl iyən ruşnə dərostey
Tehroni cənub, Ğomədə Həzrəte Məsumə(s)-i pokə hərəmədə, iyən co məzhəbi mərkəzon iyən Həzrəte Məsumə(s)-i pokə hərəmi ətrofədə bıə xiyabononədə, bə Ğədire Xumi idi mınosibəti xoto, de vıl peşandey iyən ruşnə dərostə bıə.
Bə İran Peres aqentiyəti raporti əsos, İslamiyə İroni həmmə məntəğəonədə xususi Ğom məzhəbiyə şəhrədə, bə Ğədire Xumi idi mınosibəti xoto, imomət iyən viloyəti muxtəlifə şoə mərosimon bərpo bəbe, iyən Həzrəte Məsumə(s)-i pokə hərəmədə İron və xarıci zairon hevujə iştirokışon bəbe.
Sələvotiyə mandəcoon bərpo bey, millət iyən zairon miyono şinəti, çay və şərbət təğsim kardey, Ğom şəhrədə və bə Ğədire Xumi idi mınosibəti xoto, co qılə bərnoməonin.
Həmçınin Ğom şəhr deştə xiyabonon dərostey iyən ruşnə peqardey vositə, bə Ğədire Xumi idi pişvaz şedə, və ım məzhəbi şəhr şoədə ğərğ bıə.
Əlovə kəmon ki həmzəman de Ğom, və bə Ğədire Xumi idi mınosibəti xoto, İslamiyə İroni co şəhron həm şoətiədə pur be iyən məzhəbi, mədəni muxtəlifə bərnoməon bərpo bey holədəy.
Hicri Ğəməri 1443 minnə sori Zihəccə 18 iyən Miladi 2022 minnə sori İyolə manqi 18 minnə ruj de mısılmonon yolə idonku qıləyni, Ğədir nomo məxsusə əxloği və mənəvi idi bərobəre.
Ğədire Xun, Məkkə iyən Mədinə miyono qılə məntəğə nome ki Həccətol vidoədə, Xıdo Rəsul(s) Həzrəte Muhəmməd(s), dınyo şiəyon iminnə İmom, Həzrəte İmom Əli(ə)-i ıştəku bəpeşt, bənə Vəli iyən mısılmonon sərpərəsti elanış karde.
