Peyğəmbər(s) mıbohilə ruj.

Imruj i şənbə Zilə-Həccə manqi 24 iyən ğəməri təğvimədə Mıbohilə ruje.

Bə İranperess raporti əsos, İslam dini Peyğəmbər(s) de Nəcrani məsihiyon mıbohilə, çı sədr islami muhimmə hodisəonku bə hisob omeydə ki de Həzrəte Muhəmməd(s) bə ico bıə yolon yəni İmom Əli(ə), Həzrət Fatimə(s), İmom Həsən(ə) iyən İmom Husey(ə)-i fəzilət və həx bey təsdiğ kardeydə.

Mıbohilə vağiə Hicri Ğəməri 9 minnə sorədə əncom bıə iyən Ali-Emroni surə 61 minnə ayə çəy həxədə nozil bıə.

Həminə vağiə çı şiə və sınnion mənabeədə ğeyd bıə iyən şiəyon nəzəku İmom Əli(ə) həminə ayədə bənə Xıdo Rəsul(s) nəfs iyən con ğeyd bıə.

Bə mənabe əsos, İslam dini peyğombər de nəcrani məsihiyon mubahisə iyən çəvon inkori vindey bəpeşt mıbohləş təklif do ki vəədə kardə bıə rujədə Nəcrani məsihiyon çəy ğəbul kardeyku imtino kardışone.

Ərəbi zıvonədə mıbohilə məno yəni ıştə həxi sobit karde iyən nışo doyeyro Xıdoku bo yande ləhnət iyən nıfini təlbəb karde.