Ərbəine Huseyn(ə)-i zayron əmniyyəti icod kardeyədə, İroni silohinə ğıvvon hozzoəti.

Ərbəine Huseyn(ə)-i koonədə bıə İroni silohinə ğıvvon ğərorqoh nımoyəndə elanış karde: ım ğıvvə hozzoe ki Ərbəine Huseyn(ə)-i zaeron əmniyyəti icod kon.

Bə Tele Rədio aqentiyəti raporti əsos,İroni Çəzzabə mısofirə terminal iyən marziku vindemonədə, Ərbəine Huseyn(ə)-i koonədə bıə İroni silohinə ğıvvon ğərorqoh nımoyəndə Qeneral Bəhram Huseyni Motləğ votışe: Zaeron əmniyyəti təmin kardey iyən xıdmət rosniyero, Ləşqər, İron İslam Respublika intizomi kamandanəti, marbonəti, İslamiyə İnğilobi Sepah Təşkilat iyən İroni silohinə ğıvvon mudafiə və himoyə vəzarətxonə ğıvvon çəkə hərəkəton əncom dodə ki ım kərəhəton həmmə Ərbəine .,huseyn(ə)-i zaeron hostonə şe-omey həxədəy.

Qeneral Huseyni Motləğ ijən əlovəş karde: bə İron zaeron izzətin iyən əmnə oqəteyro lozimə hərəkəton iyən koon planon əncom bıə.

Ərbəine Huseyn(ə)-i zaeron şe-omeyro, Çəzzabə və Şələmçə marzon 2 qılə rəsmi və beynəlxalğə marzonin ki proqonoz bəbe ım 2 qılə marziku təğribən 2 milyon zair bə İraği Kərbəlo şəhr mışərrəf bəben.

Imsor Şəhrivərə manqi 26, (Hicri Ğəməri 1444 minnə sori səfə manqi 20, miladi 2022 minnə sori sentiyabri 17), Kərbəloədə şiəyon 3 minnə İmom Həzrət İmom Huseyn(ə) və çəy bəfodorə əshobi şəhodəti 40 minnə ruje, və de diğğə bə zəmini marzon oj bey ki korona virusi bıhroni bəpeşt iminnə kərəro əncom bıə, ımsor İronıjə zairon Ərbəine Huseyni(ə) şemoni iştirokiro veyə hərorətin iyən şovği soybin.