Ğəribabadi: itərəfiyə sanksiyaon bənə canqi əbzor bə İroni ələyh əncom bəbe.

Zinə çoşəmbə, İron İslam Respublika məhkəmə təşkilatdə insonə həxon təşkilati katib işorəş karde ki İroni millət, ğəyre insoni itərəfiyə sanksiyaon beqınoh iyən muhimmə ğıbon bəhisob omeydən ki makzimum təziğon nomo məğlub bıə siyosəti onvani jintonədən. Əv ijən təsdiğış karde: nəslon məhv kardey, bəşəriyəti ələyh cinoyəton əncom doey iyən bə İroni ələyh bənə canqi əbzaron cinoyəton əncom doey əcumlə sanksiyaon hədəfonin.

Dınyoədə Amerkə vey yolə sanksiyaəkə kişvər bə hisob omeydə ki ıştə hədəfon iyən mənafe cəhəto, bə co kişvəron ələyh sanksiyaon əncom doeyədə vey kənəişe. ım sanksiyaon ki bə muxtəlifə bəhonəon bə mıstəğilə kişvəron ələyh əcumlə İron əncom bıə, bois bıə ta ım kişvəron bə dınyo muxtəlifə vojoron əcumlə səhiyyə əbzaron iyən ehtiyocon və damon hozzo kardeyro de maneon dim bə dim bıbun.

Bə İrna raporti əsos, İ Bıə Milləton Təşkilati insoni həxon şura 51 minnə  iclos ki Cenevrədə bərpo bey holədəy, İron İslam Respublika məhkəmə təşkilatədə insonə həxon təşkilati katib bə İ Bıə Milləton Təşkilati məxsusə raporter Alena Dohani vindemon işorəş karde. Sanksiyaon iyən itərəfiyə hərəkəton bə İron İslam Respublika insoniyə həxon mənfiyə təsir noey, Alena Dohani həminə vindemonon nəticə be.

Hədəfə kişvəronədə insoniyə həxonku beqınohə milləton istifodə kardey cəhəto, itərəfiyə  icboriyə hərəkəton mənfiyə təsiri barədə beynəlxalğə vey muhimmə sənədonku qıləyni bə hisob omeydə ki ım sənəd bə insoni həxon şura iclos iroə bıə.

Dəvardə Dışəmbə rujədə, Alena Dohan İronədə bıə sanksiyaon təsiri barədə de rəsmi surətədə ıştə raporti muntəşir iyən təkidış karde: İronədə Amerkə itərəfiyə sanksiyaon, damon icod kardeyro xususi məxsusə noxəşətionro vey muhimmə problemon icodış karde.

Miladi 2022 minnə sori Mayə manqi 17 tosə 28 minnə rujədə, İ Bıə Milləton məxsusə raporter, Alena Dohan bə İron İslam Respublika məhkəmə ğıvvə insoniyə həxon ğərorqoh dəvəti əsos, və bə həmmə insonon bəşər həxiku istifodə kardey, itərəfiyə icboriyə hərəkəton mənfiyə təsiri təhğiğ kardeyro  bə İron səfərış kardə.

Alena Dohani Im səfəri hədəf ım be ki bə İroni milləti ələyh Amerkə itərəfiyə sanksiyaon təsiron diyə kon.

İ Bıə Milləton Təşkilati insoni həxon şura 51 minnə  iclosədə Ğəribabadi işorəş karde: de ım vıcud ki ım raport, bə İroni milləti ələyh iminnə həxon itərəfiyə sanksiyaon əvəz nıbıə iyən tılə təsiron rəvoyəton iyən həğiğətonku fəğət kali kamə baxşonin, əmmo dəvardəku vey ım raporti nəticəon, subit kardedə ki bəpe itərəfiyə icboriyə hərəkəton icroəkəyon və prinsipon təyin kardə kəson xususi Amerkə və çəy mıttəfiğon iyən bə çəvon beynəlxalğə həxon əsosi məsuliyəton vədə, beynəlxalğə ictima təəhudin və məsulanə rəftoron ğərolon əncom bıbu.

İron İslam Respublika məhkəmə ğıvvə insoniyə həxon ğərorqoh katib ıştə sıhbəton dəvomədə əlovəş karde: çand dohon bəbe ki kali dıvləton və çəvon mərkəzədə Amerkə bə itərəfiyə sanksiyaon ğəyre ğanuni əməlon, xarıci siyasəti siloh soxteyədə bənə əbzor təvəssul kardən.

İron İslam Respublika məhkəmə ğıvvə insoniyə həxon ğərorqoh katib ijən əlovəş karde: bə beynəlxalğə həxon əsos, co kişvəron bəpe co dıvləton ğəye ğanuni hərəkəton ğəyre ğanuni bıznon.

Ğəribabadi ijən votışe: bə İroni ələyh sanksiyaon hevujəti anədə komil iyən hevuje ki hiç qılə humanitarə istisna mıvcud ni ğərəz koğəzədə, əv ijən əlovəş karde: humanitarə istisna, bə itərəfiyə icboriyə hərəkəton ələyh və tənğidon peqəteyro, umumi fikon hilə doeye.

Imruj ijən İron İslam Respublika məhkəmə ğıvvə insoniyə həxon ğərorqoh katib de İ Bıə Milləton məxsusə raporter, Alena Dohan vindemonədə ım raporti iroə doeyku ğədrdonətiş karde və bə umumiyə oqahətion əlovə kardey cəhəto təkidış karde iyən votışe: itərəfiyə sanksiyaon, bə bəşəriyəti ələyh cinoyət bə hisob omeydə və karde bəzne icraəkə iyən təyin kardə dıvləton beynəlxalğə məsuliyəton zəminə icod kon.

Ğəribabadi de İ Bıə Milləton Təşkilati şura rəisi vindemonədə, İron İslam Respublika rabitəon iyən həmkoətion de insoniyə həxon ali kamissiya  təşkilat iyən məsələ məxsusə raporteron işorə iyən əlovəş karde: de ım vucud ki bəşər həxon baxşədə, bə İroni ələyh Amerkə itərəfiyə sanksiyaon təziğon və həmçınin koronavirusi pandemiya problemon icod bıə, insoniyə həxon təşkilati beədolətinə rəftoron hiç sutərərdə ğəbul kardənin ni.