Fələstinıjə əsironku tərəfdarəti karde xoto Ğəzzə cənub hissədə mitinq təşkil be.
Fələstinıjon sionist rejimi zindonədə bıə fələstinıjə əsironku mudafiyə kardeyu Ğəzzə məntəğə cənub Rəfəh şəhrədə etirazinə mitinqışon bərpo karde.
Bə telerədyo aqentəti xəbon əsosi məhəlliyə mənbəon elanışon kardə Ğəzzə məntəğədə sakin bə fələstinıjon zinə təşkil doə mitinqədə fələstinıjə əsironku tərəfdarəti karde iyən təciliyə holətədə əvoni sionist rejimi zindononku ozodkarde həmçinin sionist rejimi təşkil doə cinayəton məhkum kardeyu nıvıştə bə şoaronışon bəştə dast qətə be.
fələstinı islamiyə muğavimət hərəkat(Həmas) rəhbəronku qıleni Yonis Ələstəl mitinq bərpo kardəkəson cəmədə elanış karde Fələstinı muğavimət Ğəzzə məntəğədə sionist rejimi hərbion tərəfiku tojə təşkil bə hucumədə çandə nəfər çı təcavuzkarə rejimi hərbionku bə əsorət qətedən.
Ələstəl votışe: sionist rejim ıştə hərbion ozod kardeyu de Həmas tojə ğərardad imza kardeku kəno coqlə roş ni və əlavəş karde Ğəzzə sakinon etirazinə mitinqon həminə mesaji təsdiğ kardey ki muğavimət sionist rejimi işğalqərətionəndə mubarizə bardeyu mıştəlif roonədə dəvomış heste.
