Bə İraği kişvər İroni ixracat rekordış jə

İroni ticorət, inkoşof Təşkiloti Asiya ğərbi mudir de işorə bə İroni ixracati rekord jəey votışe: dəvardə sorədə, bə İrağ kişvəri ixracat, 10 milyard dollariku vey əlovə peydoş kardə.

Bə Tele-Rədio aqentiyəti raporti əsos, İroni ticorət-inkişof təşkiloti Asiya ğərbi mudir, Fərzad Piltən bəyonış kardə: dəvardə sorədə bə İrağ kişvəri İroni ixracat təğribən 15 faiz ozavziyə nışo dodə, əv ijən votışe: bə İroni qomroki muntəşir bıə statestikaon əsos, dəvardə sorədə, İroni ixracat bə İrağ 10 milyard dollariku vey əlovə bıə ki bə İraği İroni ixracati baxşədə mislış nıbıə staj bə hisob omeydə.

Piltən ijən təkidış kardə: xarıci ticorət xususi ixracat baxşədə, İrağ bənə İroni stratejikə şərikonku qıləyni bə hisob omeydə.

Asiya ğərb məntəğə ərəbə kişvəron miyonədə, mədəni və məzhəbi cəhəto, İrağ de İron veyə nezəti soybe.

Hamsuyəon miyonədə vey dırozə marzi soyb bey, (zəmini marzi cəhəto təğribən 1258 kilometr, ovi marzi cəhəto, 351 kilometr), erğçiyəti, torixi, zıvoni rabitəon, dini mıştərəkəçiyon, iğtisodi və əmniyyəti mıştərəkə mənafe əcumlə İron və İraği rabitəonədə vey muhimmə nuktəonin.

Dəvardə soronədə bə məzhəbi, siyasi və mədəni veyə mıştərəkəçiyon xoto, İron de İraği rabitəon hevujəti 2 qılə kişvəri rəsmi şəxson iminnə koonədə ğəror qətəşe.