İron, Eko uzv bıə kişvəron mədəni vəziron mizbonəti bəbe

İyonə manqi 13 minnə rujədə, İronədə İğtisodi həmkoəti təşkiloti uzv bıə kişvəron (EKO) mədəni vəziron iclos bərpo bəbe.

Bə İrna raporti əsos,İroni islomi rabitəon və məsəni təşkiloti beynəlxalğə təşkiloti mədəni həmkoətion inkişofi muavin, Huseyn Rozbeh votışe: İyonə manqi 13 minnə rujədə, Tehronədə İğtisodi həmkoəti təşkiloti uzv bıə kişvəron (EKO) mədəni vəziron iclos bə İRoni İslomi mədəni vəzir Muhəmməd Məhdi İsmaili rəyisəti bərpo bəbe.

Ozbəkiston, Ğəzaxıston, Tırkəməniston, Ğırğizıston, İron, Əfğanıston, Tırkiyə, Azərbaycan Respublika, Pakiston və Tacikiston Eko uzvon şomil bəben.

Eko 10 qılə uzv bıə kişvəronku 7 qılə, hışkiədən və bə qlobal vojoron dast peydo kardey xoto bə co qılə kişvəron və tranziti royon vabəstən.

Eko məntəğə de 8 milyon kilometr səth və nim milyon cəmiyət, beynəlxalğə tranzitədə vey muhim iyən təsirinə məntəğəonku qıləyni bə hisob omeydə.