Bə Tasuaye Huseyni(ə) mınosibəti xoto, İron əzo iyən matəmədəy.
Tasuaye Huseyni rujədə İslamiyə İroni həmmə vıron siyoə matəmədən və əzadarəti dəvonedən.
Imruj pencşəmbə Hicri Ğəməri 1445 minnə sori Məhərrəmə manqi 9 minnə (Miladi 2023 minnə sori Avqustə manqi 7 minnə) ruj de Tasuaye Huseyni(ə) ruji bərobəre.
İmom Husein(ə) dınyo şiəyon 3minnə İmome ki Hicri Ğəməri 61 minnə sori Məhərrəmə manqi 10 minnə rujədə, Kərbəloədə şəhid bıə, və Kərbəloədə deştə mislış nıbıə fidokorəti vositə, bə həmmə dınyo ozodəti və izzəti dərs umutəşe.
Kərbəlo hodisədə, İmom Husin(ə) ğoymə surətədə təkidış kardə be: "çıme hədəf, anti islami hukuməti beabru iyən əmre be məerof və nəhye əz munkəri bərpo və zılm iyən sıtəmi vədə muğavimət kardeye."
Tasua iyən Aşura huseyni rujonədə, İron İslam Respublika həmmə Huseyni əzodoron, de əzo mərosimon bərpo kardey çərçivədə, dınyo 3 minnə İmom Həzrəte İmom Huseyn(ə)-i şəhodətə sorəğardış iyən çəy bəfodorə əshabon, əcumlə çəy bıvə Həzrəte Əbəlfəzl(ə)-i şəhodəti sorəqardışi qıromi zıneydən.
Həzrət Əbəlfəzl(ə)-i vırə iyən məğomi barədə, dınyo şiəyon 4 minnə İmom, Həzrəte İmom Səccad(ə) hamiyəşe: "həğiğətədə çıme əmo Əbbas, ıştə con, isor iyən conbozi ıştən bıvəro fıdo kardəş anədə ki həminə royədə çəy daston həm bırniyə bıən"
De ım vıcud ki İomom Huseyn(ə) və çəy bəfodorə əshabon şəhodət iyən Kərbəlo matəmə hodisəku vey əsron dəvardedə, əmmo nə fəğət, ım hodisə vırə iyən əhəmmiyətiku kam nıbıə, bəlkəm har çəxtə ki dəvardedə, Aşura mesa vey hevuj iyən əzo adəton de veyə hərorətin bərpo bəbe.
Həzrəte İmom Husein(ə)-i hərəkəti dərson, bə həmmə dınyo iyən bəşəriyəti torix və coqrafiya məxsuse və hiç vaxt karde nibəzne ım hərəkəti məhdud kəmon.
İslamiyə ironi dindarə millət huseyniyəon məçiton Məşhəd şəhrədə dınyo şiəyon 8 minnə imom Həzrət İmom Rıza(ə)-i pokə hərəm iyən Ğom şəhrədə Həzrət Məsumə(s) pokə hərəmədə əzadarəti karde holədən.
İron İslam Respublika Tele Rədio, tasua iyən Aşura huseyni(ə)-i mınosibəti bə həmmə mısılmonon xususi həmmə şiəyon və dınyo ozoditələbon, təsliyət ərz kardedə.