Farsi zıvon, İron və Əfğanıstoni miyono dəçokney mehvər
Taibad və Herat ədəbi icmaon 3minnə iclosədə, Farsi zıvon, torix və mədəniyət iyən fəxrinə şəxson 3 qılə mehvər bəyon bıə ki İron və Əfğanıstoni torixi dəçokney mehvər bə hisob omeydə.
Taibad və Herat ədəbi icmaon 3minnə iclos İroni şimol şərğ Xorasane Rəzəvi ostani Taibad şəhrədə, ım 2 qılə kişvəri ədəbi icmaon uzvon, islomi mədəni və irşadi vəziri ictimai və mədəni mışovir, islomi irşad və mədəniyəti idorə muavinon, Taibadi şəhrıstoni fərmondar, Taibadi şəhrıstoni islomi mədəniyət və irşadi idorə yol, şəhrdor və islomi şura uzvon və islomi şura uzvon iştiroki bərpo bıə.
Im iclosədə Taibad şəhriku mehr və Molana ədəbiyə icmaon şairon, Herati ədəbiyə icma və Tehron və Məşhədi şəhronku 2 qılə mehmonə şair şey handışone.
Bə Mehr aqentiyəti raporti əsos, İroni İslomi mədəniyət və İrşadi vəziri ictimai və mədəni mışovir bəyonış kardə: Farsi zıvon, hiç vaxt bə hiç qılə millət icbor bıə ni, əv ijən Farsi zıvoni əhəmiyyəti barədə bə İnğilobi yolə Rəhbəri sıxənon işorəş kardə və votışe: ım ki İslomi İnğilobi Yolə rəhbər hamiyəşe: bəpe ım ko əncom bıdəmon ki həmmə dınyo icbor surəti Farsi zıvoni təlim bıvinən ım hodisə zəmoni icod bəbe ki elmi inkişofon icod bəbe və həmmə dınyo bo ım ki bə inkişof bəşen bəpe ım zıvoni umutən.
