Bə Kərimə Ğıroni be ehtıroməti kardey reaksiyaədə, İroni xarıci vəzorətxonə sıxənəvot votışe: İsveçi devlət bəpe bə insoniyə həxon əsosinə prinsipon əməl bıkon

İroni xarıci vəzorətxonə sıxənəvot votışe: İsveçi devlətiku intizor bəbe ki əməli iyən təsirinə hərəkəton əncom doey royku dinon sulhomizə deyande jimon kardey iyən əxloği rəvoc doeyro cəhd və bə insoni həxon vey muhimmə prinsipon ciddi surət əml bıkon. ijən bə mısılmonon oşkoə tələbon, rəsmi surət cəvob bıdən.

Bə İrna raporti əsos, İroni xarıci vəziri sıxnəvot, Nasır Kənani Çafi İsveçədə bə Kərimə Ğıroni muğəddəsə məğomi tojədən be ehıtıromti kardey reaksiyaədə əlovəş kardə: de təəssufin və de insoni həxon vey muhimmə prinsipon əks və qıləy hərəkətədə bə islomi muğəddəsəçiyon be ehtıroməti kardey həmçınan tikror bəbe.

Kənani çafi ijən votışe: bə 2 milyardiku vey mısılmonon erjon iyən həxon be ehtıroməti kardey İsveçi polisi iştiroki vədə əncom bıə, Polis ki milləton iyən çəvon həxon oqətey msuliyətış heste, ım hərəkə hiç vaxt, dınyo həğiğət tələbə milləton fikiku pok nibəbe.

İroni xarıci vəzorətxonə sıxənəvot ijən təsdiğış kardə: İron İslom Respublika nəzəku bə Kərimə Ğıroni be ehtıroməti kardey muxalifət iyən məhkumiyətədə İsveçi rəsmi şəxson be əmələ iddio kifoyətış ni.

İsveçədə bə Kərimə Ğıroni be ehtıroməti kardey ki çand minnə kərəro əncom bıə İron İslom Respublika Tehronədə İsveçi tojə səfiri ğəbulış nıkardə iyən ğəror bıə ki İroni tojə səfir bə Stokholm səfərış kardə.