Ğəzzə oxonə təhəvvulaton barədə Əmirəbdullahiyan və Həniyyə telefoniyə votımon
İroni xarıci vəzir iyən HƏMAS-i ofisi sədr telefoni royku Ğəzə oxonə təhəvvulaton barədə deyande məşvərət kardışone.
Bə İrna cımə ruji raporti əsos, İron İslom Respublika xarıci vəzir Huseyn Əmirəbdullahiyan virtual şəbəkədə ıştə şəxsiyə səhifədə nıvıştəşe: ınşanqo telefoni təmaəsə de HƏMAS-i siyosi ofisi sədr ağaye Şeyx İsmail Həniyyə Fələstinədə Ğərbi sahil və Ğəzzə oxonə təhəvvulaton barədə votımon iyən məşvərət kardımone.
Votey bəbe ki dəvardə 1 manqi mıddətədə və 2minnə kərəro Seşəmbə rujədə Əmirəbdullahiyan iyən İsmail Həniyyə Ğətərədə de yande vindemon iyən məşvərət kardışon be.
Oktiyabrə manqi 7minnə rujədə Fələstini muğaviməti qrupon sionist rejimi şərrə koon cəvobədə, işğol bıə sərzəminonədə həmmə curnə iyən mislış nıbıə əməliyoton bino kardışone ki işğolçiyon 75 sornə omrədə mislış nıbe.
Bə Ğəzzə tanqə jimoni vırəon sionist rejimi vəhşiyə həmləon bə 4 minnə befosilə haftə varid bıə iyən bə Fələstini səhiyyə vəzorətxonə elani əsos, tosə ısət təğribən 9 həzo Fələstinıjon şəhid bıə ki ım miğdoriku nimə məzlum və be mçudafiə hırdənonin.
