Məntğədə sionist rejimi təhrikomizə hərəkəton barədə İron notaş do
İMt-ədə İroni daimə nımoyəndə və səfir sionist rejimi təhrikomizə hərəkəton barədə ki karde bəzne bə məntəğə əmniyyət və sulh ciddiyə təsirış bıbu, notaş do.
Bə İrna raporti əsos, Pencşəmbə rujədə İMT-ədə İroni daimə nımoyəndə və səfir, ƏmirSəid İrəvani Asiya ğərb və Suriyə məntəğə vəziyəti barədə əmniyyət şura iclosədə votışe: İroni əmniyyət şuraku tələbış kardedə ki israil rejimi be stabilə fəaliyəton və Suriyə ərzi təmamiyyət və hakımiyəti şiddətinə darşiye ki məntəğədə sulh v stabilətiro qıləy təhdide məhkum bıko.
İMT-ədə İroni daimə nımoyəndə və səfir ijən bəyonış kardə ki ğeyri ğanuni sanksiyaon bois bıə ki Suriyə problemon vey əlovə bıbu, əv ijən Suriyədə bə İ Bıə Milləton himoyə roli təkid və votışe: İron, Suriyə avarəon bəştə kişvər oqəteyku himoyə kardedə.
İrəvani ijən əlovəş kardə: noəmni vey muhimmə mənbə, Amerkə hərbi ğıvvon işğoli dəvom və çəvon ğeyri ğanuniyə iştirok,Suriyə və məntəğədə terroristiyə fəaliyəton ozavziyero mınosibə muhiti icod bey zınəşe.
İMT-ədə İroni daimə nımoyəndə və səfir, ijən de işorə bə ım ki sionist rejim, bə Suriyə sərzəmini ələyh, bəştə təcavuzkorə hərəkəton isror kardedə, məntəğədə ğeyri ğanuni hərəkəton və çand dahə təcavuzon komilə məsul,Amerkə zınəşe və lovəş kardə: otəşvəsi icod kardeyro, de əmniyyət şura məsuliyəton əncom doey vəy qətey, və bə Ğəzzə milləti ələyh sionist rejimi canqi maşini oqətey, vey çok nışoş do ki andə Amerkə məntəğədə sulh, əmniyyət və dave ziyod beyku niqərone.
