İroni bə sehyonist rejimi kardə cəvob hucum
İroni bə sehyonist rejimi kardə cəvob hucum
İroni bə sehyonist rejimi kardə cəvob hucum
İroni bə sehyonist rejimi kardə cəvob hucum,fəğət qıləy hərbi hərəkət nıbe,bəlkəm siyosi stratejikə nəzə be ki,nışon doydəbe”stratejikə səbri” ıştə vırəş bə”stratejikə oqətey” doəşe.İroni bə sehyonist rejimi kardə cəvob hucumi bənav,çe “silli” iyən “tənbe kardey” vajə iyən kəlməkuş oko doəbe ki,çəy məno cəhəto bıə bo jəqo həm sanqin ni iyən sırfən bo çəçnavi iyən torsıneyro istifodə beydəbe.əmmo qıləy zəmon ki,çe İroni silli de 300 qılə rəketi bə ico bıbu,çe İroni mışt şəkk ni ki,çimıisə vey sanqin iyən qon bəbe və ehyanə ko bə şımşi səmt hərəkətko,sehyonist rejim hukmən de zəhminə təsvir iyən şikili dimbədim bome.amerkə devlət bo sehyonist rejimi himoyəro de İroni canqi dovnə hevujəti iyən çımi icod kardə təhlukəku vey çok aqahe.bə həmonə dəlili xoto, Co Bayden ıştə de netanyahu iminə təmasədə İroni bə sehyonist rejimi kardə cəvob həmlə məhkum kardə holədə,sehyonist rejimi sərvəzirış bə ıştəni oqətey iyən təmkinəti səmt dəvətış karde və çəyku piye ki,bə İroni həmlə nıko.Co Bayden oşkoə holətədə voteşe ki,ehaynə sehyonist rejim bə İroni cəvob həmlə fikədə bıbu,bəvədə əmə de sehyonist rejimi bə ico nibəbemon.İron İslom Respublikə aprelə manqi 14-ə ruji şəvi nimə əməliyyoti bənav bə amerkəvıjon de oşkoə holəti votəşon be ki,ın əməliyyot bə sehyonist rejimi qırd beynəlxalğə həxon darıştə holədə bə İroni Suriyə poytaxt Dəməşğədə bıə konsuləti həmlə cəvobədə bıə qıləy reaksiyəy və çı amerkə tərəfiku harcurnə hərəkət de İroni surətinə rekasiyə dimbədim bome iyən İron bə amerkə məntəğədə bıə hərbi bazəon həmlə bəkarde.
İron İslom Respublikə aprelə manqi 14-ə ruji şəvi nimə əməliyyoti bədiqə elonış karde ki,ın əməliyyot fəğət tənhe kardey xaraktırış heste iyən və bə sehyonist rejimi qırd beynəlxalğə normon darıştə holədə bə İroni Suriyə poytaxt Dəməşğədə bıə konsuləti həmlə cəvobədə bıə qıləy reaksiyəy.əqər sehyonist rejim bə İroni ın hucumi cəvob doeyış piye,İroni tərəfiku de qıləy vey sanqin iyən vey saxtə reaksiyə dimbədim bome.bə həmonə dəlili xoto,İron fəğət bə israyili hərbi bazə və kazərmaəon həmləş kardəbe.İroni rəketon hədəf çe sehyonist rejimi hərbi bazəon və çəvon həmmysə muhimmə qıləyni həm işğal bıə sərzəminon cənubi səmtədə bıə aviyə bazə be.Novatim nomo hərbi həvo bazə çe sehyonist rejimi həmməysə muhimmə hərbi bazəonku qıləyni bə hisob omeydə ki,de dron iyən rəketon əyo həmlə kardey be.sehyonist rejimi 12-ə kanal çe İroni ğandə 7 qılə rəketi bə həmonə vırə eqıneyış təyid iyən təsdığış kardə.Novatim nomo hərbi həvo bazə çe sehyonist rejimi bənə 28-ə hərbi həvo bazə zıney beydə ki,işğal bıə sərzəminon cənubi səmtədə iyən çe B`irus-Səbə` və Aradi miyono ğərolış qətə və bə ın hədəfi hucumu dəlil həm bə İroni xarici koon vəzir Huseyn Əmir Əbdullahiyani votey əsos ım be ki,çı sehyonist rejimi canqi təyyorəon çın aviyə bazəku bə İroni Suriyə poytaxt Dəməşğədə bıə konsuləti həmləşon kardəbe.
