İroni mədəniyyət və islomi irşodi vəzir:İron hejo çe mıxtəlifə mədəniyyəton qofo bıə
İroni mədəniyyət və islomi irşodi vəzir:İron hejo çe mıxtəlifə mədəniyyəton qofo bıə
İroni mədəniyyət və islomi irşodi vəzir:İron hejo çe mıxtəlifə mədəniyyəton qofo bıə
İroni mədəniyyət və islomi irşodi vəziri votəşe:İron hejo mıxtəlifə mədəniyyəton,etnoson iyən dinon miyono faərğon dığğəti qofo bıə və İronədə bıə dini iyən məzhəbi kamiyon de çın kişfəri qırd xalğon bə ico bərobərə ozodəti və huğuğonku istifodə kardedən.bə İRNA aqentəti doə məlumoti əsos,İroni mədəniyyət və islomi irşodi vəziri Məhəmməd Mehdi İsmoyili zinə(çoşanbə ruji)Bokuədə bərpo bıə 6-ə Umumdınyo Mədəniyyətonmiyono Diyaloqi Forumədə voteşe:Mıosirə de iyande əloğənin bıə dınyoədə mədəniyyətonmiyono rabitəon zumand kardey iyən mədəni erjon və irson muhafuzəro səyon çe dınyo xalğon mıtəğobilə rabitəon və çe kişfəron miyono dı tərəfinə rabitəon ziyodəti sayədə real bəbe.
İsmoyili əlovəşon karde ki,mədəni əloğəon inkişof və bə hamsuyə iyən nezə kişfəron xususi dığğət rosney,Asiya və Afrikə ğitəon iyən de dınyo digər reqiyonon balansinə mınosibəton oney və beynəlxalğə təşkiloton fəoliyyətonədə iştirok kardə holədə,dıtərəfinə rabitə və əloğəon hebvuj kardey çe İron İslom Respublikə prioriteton cərqədəy və çı sulhi icodəti iyən muhafizədə,hukuməton miyono mınoğişəon və nıdərəsiyon həll kardeyədə çe beynəlxalğə təşkiloton rol vey təsirine.İroni mədəniyyət və islomi irşodi vəziri votəşe ki,reqiyonal iyən beynəlxalğə təşkiloton,ə cumlə İMT və İslomi Həmkoəti Təşkilot və deəvon əloğənin bıə mərkəzon dığğət iyən təğib və çı mınoğişəon həll kardeyədə uzv bıə kişfəron dastək vey muhimme.
