Şeyx Səduğ Babveyh
Şeyx Səduğ Babveyh
Şeyx Səduğ Babveyh
Muhəmməd bin Əli ibn Huseyn bin Babveyh İroni dini elmon mərkəzon həmməysə dəjdə qıləyniku bıə Ğomi mığəddəsə şəhrədə bə dınyo çəşış oj karde.çın yolə fəğih iyən alimi vilodət bə torıxi sənədon əsos təğribən Hicri-Ğəməri 305-306-ə(Milodi təğribən 918-ə) soriye.
Şeyx Səduğ ıştə hırdənəti iyən cıvonətiş ıştə pı məhzərədə de elm omutey,təhsil iyən təğvo kəsb kardey koy məşğul be.Əv,ıştə pı dərsi klasədə elmon iyən maarifonış de elmi iyən əxloği tərbiyəon bə ico bə dastış varde və ıştə dədə alimonə iyən ədəbinə rəftorış boştə nımunəş ğərol doe.
Çəy pı de qırd ın elmon iyən mahbubiyyətiqıləy hırdə mağazədə de həlolə rızğo-ruzi bə dast vardey ko məşğul be iyən həmonə ko boyis be ta Muhəmməd qıləy pokdovnə iyən pokə cıvon bımando.Şeyx Səduği vindeşe ki,çəy pı çe Xıdo oxonə pəyğombər bıə həzrəte Muhəmmədi(s) iyən çəy fərzəndonku ki, həmonə şiyə imomonin iyən həmmə mısılmınon bəvon ehtırom noydən,bə dumo mandə hədis iyən rəvoyəton hifz kardey iyən omuteyədə ziyodə səy kardedə,ın ko boyis be ta əv həm bənə ıştə dədə ın xəzinəon ıştə sinədə oqəto və vist sinnədə həzo qılə hədis iyən rəvoyəton hifz bıko.
Şeyx Səduğ tosə vist sinni ıştə dədə de bərəkəti pur bıə vucudiku istifodəş karde və çəy kəno çe Ğomi mığəddəsə şəhri coqlə alimonku məhzəriku həm okoş doe və çəvon palu elm iyən hikmətış təlim vinde.əv 22-23 sinnədə be ki,çəy buzurquvarə pı de foni dınyo vidoş karde və çəy bədiqə çe həzrəte Muhəmmədi(s) iyən çəy Əhli-Beyti(ə)hədison pevolo kardeyku iborət bıə sanqinə vəzifəş bəştə ehdəş peqəte və çəy jimonədə qıləy nuyə devron oj be.çəy bə hədisi elmon bıə eşğ iyən çəvon səhihə qıləyni pəydo kardey qıləy həddədə ciddi be ki,ıştən jıqo votedə:ziyodə vaxtonədə beydəbe ki,Muhəmmdə bin Əli Əsvəd (de Şeyx Səduği mıosir bıə yolə alim) mıni vindedəbe ki,bəştə ustod Muhəmməd bin Əhməd bin Həsən bin Validi dərsi məclis şeydəbim iyən çəy elmi nıvıtey iyən hifzi koyədə ziyodə iştiyoğ iyən həvəsım hestebe.bəmı votedəbeki,elmi təhsil iyən omuteyədə tıku bıə ın rəğbət iyən həvəs əcib ni,zira tı de İmom(ə)-i dıvo bə dınyo oməş.
