İslomiyə İnğilobi Yolə Rəhbər təkidışon karde: ımsornə Həcc cinoyətkorə seonistə dışmeni və çəy himoyə kardəkəsonku nifrət elon kardeye
İslomiyə İnğilobi Rəhbər bə seonist xun peşomə rejimi cinoyəton və Ğəzzə yolə hodisə işorə kardey votışone: Imsornə Həcc Kərimə Ğıroni ayəon iyən Həzrəte İbreyimi(ə)-i mıborəkə nom və yodi təsirədə bəpe ın mısılmonon cinoyətkor iyən çəy himoyə kardəkəsonku ıştə ro co kardey bəpe ha sorisə vey, bəpyeə dərəcədə bıbo
İslomiyə İnğilobi Yolə Rəhbər təkidışon karde: ımsornə Həcc cinoyətkorə seonistə dışmeni və çəy himoyə kardəkəsonku nifrət elon kardeye.
İslomiyə İnğilobi Rəhbər bə seonist xun peşomə rejimi cinoyəton və Ğəzzə yolə hodisə işorə kardey votışone: Imsornə Həcc Kərimə Ğıroni ayəon iyən Həzrəte İbreyimi(ə)-i mıborəkə nom və yodi təsirədə bəpe seonist cinoyətkor iyən çəy himoyə kardəkəsonku ıştə nifrəti nışon doeyro bəpe ha sorisə vey, bəpyeə dərəcədə bıbo.
Bə İslomiyə İnğilobi Yolə Rəhbəri ofisi məlomat ərosnə mərkəzi raporti əsos Həzrəte Ayətullah Xamenei dışanbə ruji Beytullahulhərami zayironku cəmi və Həcci koəkan və məsul şəxson dışanbə ruji vindımonədə, Ğəzzə ısətnə hodisəşon bo torix əbədiyə indeksışon zıni və əlovəşon karde seonistiyə condo bıə sıpə vəhşiyə hucum itərəfo və Ğəzzə məzlumə milləti mığovimət co tərəfo torixədə bəmande və bə insonon ro nışon bədoy ki, Amerkə və co qılə kali kişvəron universiteton və ğeyri mısılmonə camyəonədə çəy torixədə nıbə və heyrətinə reaksiya ın torixi soxte və indeks kardey nışonəonkoye.
Həzəte Ayətullah Xamenei İbreymi Həcci fırsətədə Ğəzzə faciəyon vədə İslomiyə umməti bəyon kardeədə bə Həzrəte İbreymi(ə) roku Kərimə Ğıroni mıxtəlif nımonəon işorə kardey votışone: Həzrəte İbreym(ə) ə peyğəmbəronkoye ki, məhəbbətinə dılış heste əmmo həminə İlahiyə peyğombər(ə) zolimon və zılmkorə dışmenon mığobilədə şiddətinə surətədə ıştə ro dışmenonku co əki və oşkoə surətədə ıştə dışmenəti elon kardə.
İslomiyə İnğilobi Yolə Rəhbər bə Kərimə Ğıroni ayəon işorə kardey ki, de zılmkorə dışmeni dustiyəti nıkarde əmr doydə, seonist rejimi de mısılmonon dışmenəti komilə nımunə və Amerkəş de ın rejimi həmkoəti kardə kəs zınişone və əlovəşon karde əqər Amerkə komək nəbi Aya seonist rejim de hırdənon və jenon və mısılmonə milləti vəhşiyə rəftor kardey curətış hest bı.
Həzrəte Ayətullah Xamenei hamiyəşone: mısılmonon ğətli-am kardey iyən avarə kardey və əvoni himoyə kardey har dı zılmkorin və bə Kərimə Ğıroni hamye əsos Əqər kəsi de əvon dustiyəti dasti bıdə əv həm zolim iyə zılmkore və Xıdo lənət bəy şomil bəbe.
Həzrəte Ayətullah Xamenei bə İslom dınyo ısətnə şərayiti diğğət doeədə bə Həcc İbreymi ro yəni dışmenon mığobilədə oşkoə nifrəti elon kardeyşon zəruri zıneşone və votışone: bə ın əsos İronıjə hocion və ğeyri İronıjon bəpe bıznon Ğıroniyə məntıği Fələstini millətiku himoyədə bə həmmə İslom dınyo ovoştonon.
Həzrəte Ayətullah Xameneyi əlovəşon karde: əlbəttə İslomiyə Respublikə co kəson intızorədə nımande əmmo əqər milləton və İslomiyə devləton zumandə daston bə komək kardey iyən həmkoətiyo bo Fələstini milləti bevəcə vəziyət dəvomış nibəbe.
