Rəyisi:Rostə və`də əməliyyot çı milli ğururi hissi icodəti səbəbe
Rəyisi:Rostə və`də əməliyyot çı milli ğururi hissi icodəti səbəbe
Rəyisi:Rostə və`də əməliyyot çı milli ğururi hissi icodəti səbəbe
Rəyisi:Rostə və`də əməliyyot çı milli ğururi hissi icodəti səbəbe-İron İslom Respublikə prezdent Rostə və`də əməliyyot çı milli ğururi hissi icodəti iyən konsensus icodiroqıləy mərhələ hisob kardedə və votəşe:ın əməliyyot subutış karde ki,zumandə İron çe canqi sayə kişfəriku xaric kardey iyən hərbi variyantı cədvəliku bekardey bəzıne.seonist rejim 2024-ə sori apreli 1-ə dışambə ruji İroni Dəməşğədə bıə konsuləti şebə hucum kardə holədə,İroni 7 qılə barzə səviyyəynə hərbi mışoviri şəhodəti səbəb bıə terrorə həmləş karde.
İslomi İnğılobi Ali Rəhbər iyən İroni Silohinə Ğıvvon Ali Sər Komandan Həzrət Ayətullah Xameneyi Tel-Avivi hərəkətış bə İon İslom Respublikə ərazi hucumış zıne və bə seonist rejimi “cəzo doey” təkidış karde.demi əloğədor İnğılobi Muhafizə Korpus işambə ruji (14 aprel) şəvi nimədə bə işğal bıə əraziyon pilotə təyyorəon iyən rəketonku otəş ğandə holədə bə təcavuzkorə rejimi cəzo doeyro səyışon kardə.bə tele-rədyo xəbə agentəti çoşənbə ruji doə xəbə əsos,İron İslom Respublikə prezdent Seyid İbreym Rəyisi de coninə televiziyə de milləti ıştə mısohibədə Rostə və`də əməliyyotış çı inğılobi rasiyonaləti vey oşkoə təzahurış zıne və voteşe:mızokirə iqlə vırədə iyən raketon coqılə vırədə problemi həll kardey bəzıne və əmə hiç vaxti çe mızokirə miziku co bıənimon,əmmo de İroni dışmenəti kardey piyəkəson vədə deştə zu bəmandemon.
Rəyisi bəyonış kardə:əgər Avropə kişfəron iyən çı dınyo co məmləkəton de İroni çokə mınosibəton icod kardeyışon piye,əmə çəvon daston de hərorəti eqətey hozzımon.İron İslom Respublikə prezdent 13-ə devlətədə inğılobi rasiyonaləti sehbəti bə de peçınəti diplomatiyə əvəz bey təkidışon karde və voteşone:ıminğılobi rasiyonaləti təzahuronku qıləyni kişfərədə ixtisodi rifoh bəbe.
