Şeyx Kuleyni bəfoti sorəqardış
Şeyx Kuleyni bəfoti sorəqardış
Ordibeheştə manqi 19-ə ruj İroni təğvimədə de Şeyx Kuleyni nomi məşhur bıə çe Əbu Cəfər Muhəmməd bin Yəğub bin İshoğ Kuleyni Razi bəfoti sorəqardışi ruj bə hisob omeydə.
Şeyx Kuleyni milodi 871-ə sori Rey şəhri ətrofədə bıə Kuleyn diyədə bə dınyo çəşış oj karde.əv ıştə buzurquvarə pı iyən dayi dovnədə ruşdış pəydo karde,yol be ki,əvon har dıqləyni dini yolə alim iyən Xıdo-Rəsul həzrəte Muhəmməd-Mıstəfo(s) iyən çə həzrəti Əhli-Beytiku(ə) ziyodə hədis iyən rəvoyətonışon hifz kardəbe iyən çe İslomə dini nəşr iyən təblıği koyədə səy kardedəbin.Əbu Cəfər boştə elmi təkmil kardero bə Rey şəhri səmt hərəkətış karde.peşo əv,i mıddəti bədiqə bə Ğomi mığəddəsə şəhri kuçış karde ta çın diyori yolə alimon məhzəriku elm kəsbko.ıştə elmi təkmili koy dəvomədə məxsusən bo hədis və çı mısılmınon dini elmonku bıə kəlom elmi bə dast vardero bə İraği səmt bə ro dəqıniye və çəy muhimmə şəhronku bıə Kufə şəhrədə sakin be.peşo əv,bə İraği poytaxt bıə Bəğdadi səmt rəvonə be iyən əyo de şiyə məzhəbi muhimmə kitobon təlif iyən redaktə koy məşğul be və tosə ıştə umri oxoy həm bın şəhrədə mande…..
Şeyx Kuleyni həmməysə muhimmə kitobon bə şiyə hədisi kitobon ayid bıə təlifone.çın kitobi həxədə......
Bəğdadədə çı Şeyx Kuleyni elmi mevğe bə dərəcədə barz be ki,çe İslomi dınyo sayir şəhronku bıə hədisi aşığon bo metəbərə hədison məseyro bə Bəğdadi səmt hərəkət kardedəbin iyən çın yolə Şiyə alimi məhzərədə əy omutedəbin.bəçəy xoto əv de “Siğətul-İslom” nomi məşhur be.Siğə yəni ikəs ki,cokəson bəy peştıpur iyən xotırcəmin.çəy şehrət jıqo bə həmmə vırə pevolo bıəbe ki,İslomi şəhron şiəyon Şeyx Kuleyni bəsə İmom Zəmoni(əc) nayibonku vey çok iyən ziyodə zıneydəbin.əv hətto bə əhlı-sınnəti fiğh iyən hədison həm qıləy təsəllıtış hestebe və bə əhlı-sınnəti çoqləyni fiğhi əsos fətvo doydəbe iyən həmmə millət əy bənə qıləy camiyuş-şərayitə mıştəhid iyən mıhəddisi ğəbul kardedəbin və bəy etımod kardedəbin.Şeyx Kuleyni Hicri-Ğəməri 328,Hicri-Şəmsi 319-ə iyən milodi 941-ə sori ki,de Huccət ibn Həsəni(ə) Ğeybəte-kubra məbdə təsaduf kardedəbe,70 sinnədə Bəğdadi şəhrədə çı dınyoku kuçış karde.Muhəmməd bin Cəfər Həsəni ki,de Əbu Ğirat nomi məşhur be və çı Bəğdadi şəhri yolə alimonku be,bo Şeyx Kuleyni bədəni nımojış hande və əvışon çe Bəğdadi “Babul-Kufə” məntəğə və çe Bəğdadi kanə pardi Dəclə ru şərği ətrofədə dəfnışon karde.ımruj çe Şeyx Kuleyni mərğəd və məğbərə Asəfiyyə məçiti soədə,Bəğdadi mərkəz Dəclə ru şərği ətrofədə çe muminon ziyorətqo bə hisob omeydə.
