Pars Today

İslami inğilobi yolə rəhbəri Həzrət ayətullah Xamenei de İraği 1 minnə vəziri Muhəmməd Şiya əlsudani vindımonədə çəy bə Tehron səfər kardeku,sed İbrahim Rəyisi norohətiədə ıştəni şərik nışon doeyu ğədrdanətiş karde və votışe: de İraği devlət həmonə həmkoətion və roziyətion dəvom pəydo bəkay.

İslami inğilobi yolə rəhbəri Həzrət ayətullah Xamenei de İraği 1 minnə vəziri Muhəmməd Şiya əlsudani vindımonədə çəy bə Tehron səfər kardeku,sed İbrahim Rəyisi norohətiədə ıştəni şərik nışon doeyu ğədrdanətiş karde və votışe: de İraği devlət həmonə həmkoətion və roziyətion dəvom pəydo bəkay.

Bə yolə rəhbəri məlumat ərosnə mərkəzi elani əsosi Həzrət Ayətullah Xamenei  zinə 4 şanbə zuhriku nav ım vindımonədə əlovəş karde ısət Muhəmməd  Muxbir bə əsosə ğanoni bərobəri qonə məsuliyətış bə qi qətə və inşallah de İraği devlət həmonə həmkoətion və roziyətion ro dəvom pəydo bəkay.

İslamiyə inğilobi yolə rəhbəri votışe: əmə qıləy yolə şəxsiyyətımon dastdə doə cənab prezdent qıləy ve çokə bıvə bə kar omə məsul, kəfoyətin , səbrin iyən ciddi be.

Muhəmməd Şiya Əlsudani ım vindımonədə bə islamiyə inğilobi yolə rəhbəri xitob votışe: ım norohət əkə şərayetədə bə həzrəteali vindımon oməm ki İraği devlət və milləti norohəti və matəmi bə İroni devlət və millət elan bıkəm.

Əlsudani əlovəş karde əviki əmə İroni şəhidə prezdent Rəyisiku vindəmone ğəyrəz rostiyəti, xolisəti,poki və fəaliyyət iyən bə millət xıdmət kardeku kəno nıbı.

İraği 1 minnə vəzir eyne holədə İroni şəhidə prezdenti təşi karde mərosimədə bə çandə milyon nəfəri huzuri işarəş karde və votışe: ə şikilon ki ımruj Tv vindıme qıləy ruşinə mesajış heste ki çəy həmməysə muhimmə qılə İroni milləti islamiyə respublikaədə de məsul şəxson zumandə rabitəy, və ım əxtə təziqon, sansiyaon və ım norohət əkə hadisə şərayetədəy.

Sodani təkidış karde İroni milləti milyoniyə huzuri coqlə mesaj təşi mərosimədə ıme ki bəpe bə millət xıdmət bıki və ım əzəmətinə təşşi bə millət xıdmət karde nəticədəy və ım dərs bəpe İrağədə çəmə sərlohə iyən olqo bıbo