İroni xarıci vəzarətxonə 3 qılə Avropa kişvəron anti İron mıştərik bəyaniyə məhkumış karde.
Bə Ərəbistoni Aramko natə təsisaton Yəməni hərbion həmlə barədə 3 qılə Avropa kişvəron anti İron mıştərik bəyaniyə İroni xarıci vəzarətxonə tərəfo məhkum be.
İroni xarıci vəzarətxonə elanış karde: Ərəbiston və Yəməni miyono bıə canqi cərəyonədə qıləy bombardımoni barədə bə co kişvəron əleyh ittihamon bəyon karde qıləy təhrikəkə hərəkət hisob bıdə və hol ım ki Yəmən ıştən həmlə məsoliyəti ğəbolış karde.
Bəyaniyə dəvomədə ğeyd bıə: jıqonə ğeyri həğiği ittihamon fəğət Yəməni canqi otəşi hevujəti və çəy əsəron məntəğə ədə muşahidə karde bois bəbe.
İroni xarıci vəzarətxonə təkidış karde: de siyasi hədəfon iyən canqi həğiğəton əks co dıvləton mıttəhəm karde ijən Ərəbistoni hırdənon əkıştə rejimiku de silahon həvate himoyədorəti karde qıləy xətərnok prossese ki çəy nəticə pesoxtə bıə bəyaniyə sadirəkə 3 qılə kişvəron qiədəy.
Bəyaniyə oxoədə təsdiğ be: İron ijən bə məntəğə kişvəron iştirok və sulh iyən əmniyyəti oqətey xoto çokə həmkarion təkid kardedə.
Bə Ərəbistoni natə təsisaton Yəməni bepilotə təyyarəon həmlə bəpeştə zinə Fransə, Almaniya iyən İnqiltərə de pesoxtə bıə ittihami qıləy mıştərik bəyaniyə ədə İroni ım həmlə məsol elan kardışone.
