İtaliya həm bə Səudiyə koalisiya siloh həvoteyku imtinoş karde.
Yəməni Ənsarullah de qıləy bəyoniyə vositə bə Səudiyə koalisiya siloh həvoteyku İtaliya imtinoş qıləy mısbətə ko və ğərol bə hisobış varde.
Bə Fars aqentiyəti raporti əsos, Yəməni Ənsarullah de qıləy bəyoniyə vositə elanış karde ki bə Səudiyə koalisiya siloh həvoteyku İtaliya imtino bo məntəğədə sulhi bərpo karde iyən Yəməni ğeyri hərbion coni oqəteyro qıləy bə nav dəşə hərəkəte ki karde bəzne çokə nəticəonış bıbu.
Amerkə Val Stirit rujnumə tojədən Amerkə rəsmi şəxson nəğliku qıləy məğalədə nıvıştışe: Amerkə tojə dıvlət həmzəman de tojə silah muğaviləonədə tədğiğ karde bə ım nəticə rəsəşe ki bə İ bıə Ərəbə Əmirətion F35 ğırəkə təyyorəon iyən bə Ərəbiston hidoyət əkə rəketon həvotey muğavilə vəy bəpe qətey bıbu.
Yəməni zidd bıə Səudiyyə təcavuzkarə koalisiya canqədə tosə bə ısət 480 qılə noxəşxonə, 3700 qılə təlim mərkəz həmçenin 92 qələ imdod maşinon həm xərobə ya xot vırt-vilo bıən.
Bə Yəməni insonə həxon vəzarətxonə tojə raporti əsos Sədiyə rejimi təcavuz Yəməni cəmiyətiku 60 faizi vəşiyanəti iyən bə miollət damon və tib xidməton nərəse bois bıə.
Ğeyd kardənine ki Səudiyyə təcavuzkarə koalisiya ım canqədə ğeyri hərbion kıştedə, fəal şəxsiyəton dızdedə iyən ğədəğən bıə bombaonku istifodə kardedə.
