İraği şərğədə DAEŞ-i həmləon cərəyonədə 2 nəfər polisi ğıvvon kıştə bıən
İraği şərğ Diyali ostanədə, DAEŞ-i terroristiyə uzvon bə qıləy polisi baza həmləşon kardə iyən ım həmlə cərəyonədə 2 nəfər polis zəxmin bıən.
Milodi 201 minnə sori İyunə manqədə Moseli ozod bey və DAEŞ-i iddio bıə hukuməti sə bey bəpeşt, vey terroriston bə Ələnbari ostani hışkə məntəğəon, Diyali ostani bə bandiyə məntəğəon, Suriyə marzi məntəğəon və Moseli cənub səmt fərorışon kardə və har çand vaxt i kərə çand nəfəriyə qrupi ğolibədə bə hərbiçion və ğeyri hərbiçion həmlə kardey holədən.
Bə Rodavo kanali sayti raporti əsos, Imruj Şəmbə, İraği Diyali ostani polisi sıxənəvot, Nəhad Muhəmməd, DAEŞ-i terroriston həmləonku xəbəş do ki Bəğdadi caddədə bə qıləy polisi baza səmti həmlə kardəşone.
Bə ım polisi rəsmi şəxsi votey əsos, ım həmlədə DAEŞ-i terroriston sıbık iyən nimə qıvonə silohonku istifodəşon kardə və ım miyonədə 2 nəfər polisi hərbiçi həm zəxmin bıən.
Bə həminə raporti əsos, DAEŞ-i terroriston həmlə bəpeşt, ərtış və polisi hərbiçion bə ti ğandə bıə vırə səmt hərəkətışon kardə iyən caddəon dəbastən.
Diyali ostanədə DAEŞ-i terroristiyə co qılə hərəkəton, kaştemoni zəminon və caddə ətrofədə hevujə mina noeye. ımruj İraği mediyaon ım kişvərədə və Diyaliədə mina peqətey əməliyoti cərəyonədə bomba tepemoni cərəyonədə 5 qılə hərbiçi zəxmin beyku xəbə dodən.
Diyali ostan, DAEŞ-i vey muhimmə fəaliyətə məntəğəonku bə hisob omeydə.
