DAEŞ, Dəməşği Zeynəbiyədə terroristiyə həmlə məsuliyəti bəştə ehdəş peqətə
Dəməşği Zeynəbiyədə terroristiyə əməliyotiku 1 ruj bəpeşt, DAEŞ terroristiyə qrup qıləy bəyoniyə ğolibədə ım həmlə məsuliyəti bəştə ohdəş qətə.
DEEŞ terroristiyə amilon, Dəməşği cənubədə Əlseyedə Zeynb məntəğədə Koe Əlsodan xiyabonədə qıləy maşini nezədə qıləy motor bomba noə tıpemonışon kardə ki çəy nəticədə, 6 nəfər kıştə və 21 nəfər həm zəxmin bıən.
Bə Fars aqentiyəti raporti əsos, DAEŞ-i terroristiyə qrup zinə cımə şəvədə qıləy bəyoniyədə Dəməşği cənubədə Əlseyedə Zeynəb məntəğədə oxonə həmlə məsuliyəti bə ehdəş qətə.
Həminə bəyoniyədə ki DAEŞ-i xəbəiyə sayt muntəşirış kardə ım həmlə təyin bıə hədəf, şiəyon şəhid kardey elan bıə.
DAEŞ əlovə bə zinə ruji Dəməşği Zeynəbiyədə həmlə bəştə ehdə qətey, elanış kardə ki Seşəmbə ruji həmlə həminə məntəğə həmləon həm ım qrup əncomı doə be.
Seşəmbə ruj Dəməşği polisi komandirədə qıləy mənbə xəbəş do ki qıləy bomba noə bıə motor Dəməşği cənubədə Əlseyedə Zeynəb məntəğədə tıpemon bıə ki şəy nəticədə 2 nəfər Suriyə şahrvand zəxmin bıə.
