Deyruzzurədə DAEŞ-i terroristiyə hərəkət İroni tərəfo de şiddəti məhkum bıə
İroni xarıci vəzorətxonə sıxənəvot Suriyə şimol şərğədə Deyruzzurədə DAEŞ-i terroristiyə hərəkəti məhkumış kardə.
Suriyə şimol şərğədə Deyruzur ostanədə DAEŞ-i terroristiyə qədə qrupon amilon, bə Suriyə ərtışi hərbiçion nıştə bıə avtubosədə ti ğandışone və ım hodisə cərəyonədə 23 nəfər kıştə iyən 10 nəfər həm zəxmin bıən.
Bə xarıci vəzorətxonə sıxənəvot iyən məlumatrosniyə idorə raporti əsos, zinə İroni xarıci vəzorətxonə sıxənəvot Nasır Kənani Çafi Deyruzorədə bə Suriyə ərtışi hərbiçion anti DAEŞ-i terroristiyə qədə qrupon terroristiyə hərəkət iyən terroristonku kəşfiyot,əmniyyəti və locestiki himoyə dəvomi reaksiya nışoş do iyə təsdiğış kardə: jıqo hərəkəton Suriyədə komilə əmniyyət,stabiləti icod beyku mane cəhəto əncom bıə.
İroni xarıci vəzorətxonə sıxənəvot de Suriyə millət iyən devlət ıştə hamdardi nışoş do və dəvardə manqonədə Suriyədə terroristiyə hərəkəton və həmləon əlovə bey prossesi barədə votışe: Suriyədə DAEŞ iyən Təkfiri terroriston əməliyaton və mandey dəvomiro bə tənəfosi fəzo icod kardeyro komək, ım kişvəri ərzi təmamiyyət və anti hakımiyəti sionist rejimi təcavuzon həmcəhətə hərəkətiro be.
