Bə Fələstinıjon xanımon sionist rejimi be ehtıroməti kardey məhkum bıə
Bə Fələstinıjon xanımon sionist rejimi be ehtıroməti kardey dumoədə İslomi oğoəti beynəlxalğ icma ım vəhşiyə hərəkəti məhkum kardey bəpeşt, muğaviməti qruponku tələbış kardə tosə sionist rejimi zalımə rejimi ğoymə məğlubiyəti ıştə həmmə cəhdon əncom bıdən.
2 nəfər sionist rejimi ərtışi jeni hərbi, de ərtışi siloh iyən sıpə təhdidi vositə, Əlxəlil şəhri əholiku bə 5 nəfər Fələstinıjə xanım be ehtıroməti kardışone iyən əvoni təhdid kardışone jəqo votışone ki ehanə ıştən oləton komil surəti ıştə taniku xarıc məkən, sıpəon bə çəvon səmt rəha bəkamon.
Həminə cəhətədə iyən bə İşəmbə ruji Tele-Rədio aqentiyəti raporti əsos, Bə Fələstinıjon xanımon sionist rejimi be ehtıroməti kardey dumoədə İslomi oğoəti beynəlxalğ icma qıləy bəyoniyədə ım hərəkəti Fələstini yolə milləti həxon oşkoə daşiye elan iyən əlovəş kardə: ım hərəkəti amilon bəpe bə ım cinoyətkorə hərəkəti ğoymə cəvobi intizorədə bıbun.
Im bəyoniyə cəvobədə ijən omə: be şək ımruj mısılmonə milləton ım pesoxtə rejimi xəbis iyən cinoyətkorə zoti vey aqahin və bə çəy xoto şoydimon ki ım rejim veyə izolosiyaədə ğəror qətəşe və hətto har ruj ıştə məntəğə mıttəfiğon dastiku doey holədəy.
İslomi oğoəti beynəlxalğ icma bəyoniyə ijən təsdiğış kardə: sionist rejim bəştə oxonə dıvron nez bıə iyən məntəğə islomi kişvəron bəpe de huşinəti bə rabitəon normal nıkardey hərəkəti cəhd bıkon, boçi ki har qılə ozod iyən mısılmonə milləti oşkoe ki ım rejim vey be etımodinə rejime.
