İroni xarici koon vəziri Aİ de İroni miyono diyaloqi dəvom kardeyku ıştə roziyətiş elon kardə
İroni xarici koon vəziri Aİ de İroni miyono diyaloqi dəvom kardeyku ıştə roziyətiş elon kardə
İroni xarici koon vəziri Aİ de İroni miyono diyaloqi dəvom kardeyku ıştə roziyətiş elon kardə
İroni xarici koon vəzir de mıştərəkə həmkoəti inkişof doey məğsədi Avropə İttifoği de İroni miyono diyaloqi dəvom kardeyku ıştə roziyətiş elon kardə və aqentəti de İroni miyono həmkoəti çokə royədə beyış bəyon karde.bə İRNA aqentəti doə məlumoti əsos,İroni xarici koon vəzir Huseyn Əmirəbdullahiyan de Avropə İbemoni xarici siyosəti rəsmi şəxs bıə Cozef Borrelli sehbətədə dı tərəfi miyono həmkoəti inkişofıro Avropə İttifoği de İroni miyono diyaloqi dəvom kardeyku ıştə roziyətiş elon kardə.Əmirəbdullahiyan bə Borrelli cəvobən,İroni sanksiyəon çe miyoniku peqəteyro nışon doə səyon iyən diplomatiyə sahədə şodə mıısbətə qəmonış bə yod dənoey,bə kali əks tərəfon ıştə votemononədə həddiku dəvardey işorəşon karde və əlovəş karde ki,Atom Enerji sahədə Beynəlxalğə Agentəti de İroni miyono həmkoəti rostə royədə hərəkət kardedə.
İroni xarici koon vəzir həmçinin bə İslomi İnğılob Muhafizə Korpusi reqiyonədə sabitə əmniyyəti təmin kardeyədə və de terrori mıborizədə konstruktivə roli işorə kardə holədə,bə sehyonist rejimi boçəy tənbeh kardero bıə həmləş,bo bə çın rejimi bə İroni Dəməşğədə bıə konsuləti baxşi hucumi cəvobədə iyən ıştəni ğanuni mıdofiyə çərçivədə zıneşe.bə Ğəzzə tanqə zidd canqədə sehyonist rejimi qenosid və cinoyəton rə qıləy zəmonədə bə oxo noey vocibəti təkid kardə Əmirəbdullahiyan çı Fələstini həxə tələbon nəzə eğandeyədə,bə İMT ciddi reqiyonal və beynəlxalğə fəaliyyətədə bıə realə rolu təkid kardəşe.Avropə İbemoni xarici siyosət rəsmi şəxs həmçinin təkidış kardə ki,Avropa İttifoğ de İron İslom Respublikə ziddiyətış piyedəni və İron İslom Respublika de Avropa İttifoğ miyono diplomatikə məsləhəton dəvom doey kəno, konstruktivə hərəkəon iyən mısbətə qəmon bə təşviği loyığ vindedə.Ğəzzə canqədə otəşvəs və çe əsiron mıbodilə çanədə rə bə dast vardey əloğədor bə beynəlxalğə hevujə tələbon işorə kardə Cozef Borrell de mıstəğilə Fələstini devləti icod bey roy dəvominə sulh və sabitəti noyil beyro həmmə tərəfon dığğəti mərkəzədə beyış vanq jıə.Aİ xarici siyosəti rəsmi şəxs həmçinin çı İroni ziddiyəti bəkam kardeyə və reqiyonədə sulh iyən sabitəti bərpoədə bıə mısbətə rolış təşviğ karde.
