Uzbəkistoni prezdent:İron İslom Respublikə bə dıjdə ixtisodi,mədəni iyən intellektualə imkonon malik qıləy zumandə kişfəre
Uzbəkistoni Respublikə prezdenti votəşe:İron İslom Respublikə bə dıjdə ixtisodi,mədəni iyən intellektualə imkonon malik qıləy zumandə kişfəre
Uzbəkistoni Respublikə prezdenti votəşe:İron İslom Respublikə bə dıjdə ixtisodi,mədəni iyən intellektualə imkonon malik qıləy zumandə kişfəre.bə İroni Tələbəon Xəbə Aqentəti(İSNA) məlumoti əsos,Uzbəkistoni Respublikə prezdenti Şevkət Mirziyoyev seşənbə şəvi çe İroni Uzbəkistonədə bıə nuyə səfir de Məhəmməd Əli İskəndəri bıə didoədə əlovəş kardə:Uzbəkistoni de İroni bıə ısətnə rabitəon çe çandə həzoynə torixi rişəku nəşət seydə və çı dıqlə kişfəri barzə səviyyəynə rəsmiyon səfəon çe dıqlə məmləkəti miyono həmkoəti və mınosibəton nuyə səyfəş oj karde.
Uzbəkistoni Respublikə prezdenti bəyon kardəşe ki,Daşkənd de Tehroni mə`dəni sahədə, enerji,kimya sənaye,di təsərrufot,səhiyyə və tibbi sahəonədə həmkoəti hevuj kardeyədə qıləy interesış heste.İroni Uzbəkistonədə bıə nuyə səfir həm ıştə etımodnomə bə Şevkət Mirziyayev-i təğdım kardeyədə bəyonış kardə ki,İroni hukuməti siyosət de hamsuyə iyən reqiyoni kişfəron maksimum dı tərəfinə əloğə oneye.İron iyən Uzbəkiston bə veyə mədəni və torixi mıştərəkə cəhəton malikin və bə umumi intereson əsos,xususən enerji və nəğqliyyot sahədə,siyosi və ixtisodi rabitəon hevuj kardeyro bə dıjdə potensiyalon soybin.oxonə dı sorədə İron iyən Uzbəkistoni hakimiyyəti miyono de əloğəon inkişofı məqsədi dıtərəfinə mızokirəon dəvominə formədə bardey beydə.
