İslomi İnğılobi Yolə Rəhbər:Şəhid Rəyisi onıqniyə iyən İnğılobi şuoron təcəssım be.
İslomi İnğılobi Yolə Rəhbər:Şəhid Rəyisi onıqniyə iyən İnğılobi şuoron təcəssım be.
İslomi İnğılobi Yolə Rəhbər:Şəhid Rəyisi onıqniyə iyən İnğılobi şuoron təcəssım be.
İslomi İnğılobi Yolə Rəhbər Ayətullah Xameneyi de şəhidə xıyzonon bıə didoədə votəşe:Şəhid Rəyisi onıqniyə iyən İnğılobi şuoron təcəssım be.bə İslomi İnğılobi Yolə Rəhbər Həzrət Ayətullah Xameneyi Ali Rəhbərəti İdorə informasiyə bazə əsosən,(şanbə ruji)de xıdməti şəhidon xıyzonon vindemonədə bə ın şəhidon ayləon səbəsəloməti doəşe və votəşone:Mərhum şəhid Seyd İbreym Rəyisi çe şəv-rujiku bexəbə be və sıxani əsl mənədə onıqniyedənıbe.
Həzrət Ayətullah Xameneyi həmçinin mərhum şəhid Huseyn Əmir Əbdullahiyanış həm sısti nıqətə şəxsış zıne və əlovəşon karde:Şəhidon Rəyisi və Əmir Əbdullahiyan daxili iyən xarici cəbhədə bıə xıdmət və səyon təsvir dıroz iyən ətrofinə hekayəy.İslomi İnğılobi Ali Məğaminə Rəhbər bə dışmenon,milləti çe İslomi Respublikəku oc kardey anqıl təbliğot və iddiyon işorə kardə holədə,əlovəşon kardə:ın hodisə çı dınyo çəşi vədə və əməli formədə İroni milləti bə İslomə dini bıə anqıləti və bə prezdent iyən İnğılobi şuoron təcəssım bıə kəson ıştə sədoğətışon subut karde.
Əv,mərhum Rəyisiş çe İnğılobi şuoron təcəssımış zıne və təkidışon karde:Rəyisi çe səçıni kampaniyə bino bıə sıftənə rujonku bə İnğılobi şuoron və bə İmomi sıxanon peştıpur bıə holədə be və qırd dınyo əy,bənə qıləy İnğılobi prezdenti zıneydəbin.
İslomi İnğılobi Ali Məğaminə Rəhbəri əlovəş karde:qıləy zəmon ki,insonon bə ım insoni bın şikilədə dastək doəşone,bəy ehtıron noəşone,çəy məno ıme ki,əvon bə İnğılobi şuoron dastək doəşone.
Həzrət Ayətullah Xameneyi həmçinin de şəhid Ali-Haşimlə anqıl dığğət kəşə məğamonku qıləyni,çe cımə nımoji məno əvəz kardeyışon zınə və ğeyd kardəşone:Mərhum Ali-Haşim bə Təbrizi Cımə imoməti təyin bey bəpeşt,ın nımojış fəğət qıləy addiyə əməliku bə hartərəfinə ibodi,mənəvi,xidməti iyən milli əməliş əvəz karde.
Ə həzrət bo millətiro zəhmət və səyış çe şəhid Musəvi və Şəhid Rəhməti və çe pəremoni heyəti şəhidon barzə xususiyyətonku qıləyni hisob kardə holədə təkidışon karde:ın xususiyyəton və ruhiyyəon səbəb be ki,Xıdovənde-Aləm həm çəvon dəfni mərosimədə əvonış çe İroni milləti fəxrış karde.
İslomi İnğılobi Ali Məğaminə Rəhbər bə Təbriz,Ğom,Tehron,Şəhre Rey,Bircənd,Məşhəd, Marağə,Zəncon və Nəcəfabadədə bıə çın şəhidon təşyi mərosimi işorə kardə holədə jıqo voteşone:ın əzəmətinə dəfni mərosim çe İroni milləti bəyjiyətiş nışon doe.
