İroni Xarici Koon Vəzərotxonə sıxanəvot:sehyonist rejim və çəy həvodoronku bəroət,bəpe çe devləton sıxan iyən əməlonədə ıştəni nışon bıdo.
İroni Xarici Koon Vəzərotxonə sıxanəvoti votəşe:çe qenosidəkə sehyonist rejim iyən çəy həvodoronku bəroət və bezoəti,xususən həm çe Amerkə devlətiku bəroət,bəpe çe milləton iyən hukuməton sıxan iyən əməlonədə ıştəni nışon bıdo və əvon ərsə iyən məydoni bo cəllodon tanq bıkon.
İroni Xarici Koon Vəzərotxonə sıxanəvot Nasir Kənani Çafi ıştə X sosyal şəbəkədə nııvıştəşe: çoko ki,İslomi İnğılobi Ali Rəhbər ıştə ımsornə Həcci mırociyətədə bə Ğəzzə tanqədə bə əməl omə fəlokəton işorə kardə holədə,elonışon kardə ki,ımsornə bəroət iyən bezoəti bəpe çe Həcci miğat iyən mevsumiku bə kəno,dınyo həmmə vıronədə mısılmon nıştə kişfər iyən şəhronədə dəvom pəydoko və həcci bərpoəkəyonsə əlovə,bəpe bə milləti har qıləyni siroyətko.
Kənani Çafi votəşe ki,İbreymi Həcci fəlsəfə və çe Həcci adət və mərosimon bə dınyo har vırədə bıə mısılmınon və muminon təlim doydə ki,çokonə çe şəyton iyən şəyton sıfətonku bəroət və bezoəti əncom bıdo.
Qenosidəkə sehyonist rejim 8 manqisə ziyodə zəmoni bədiqə de AİŞ və Ğərbi devləton hartərəfinə dastəqi,Ğəzzə tanqə iyən İordan ru ğərb sahilədə bə bemıdofiyə və məzlumə Fələstini xalği zidd kutləvi ğətlı-amış bino kardə ki,ın həm bə Fələstini Səhiyyə Vəzərotxonə oxonə statistik məlumoton əsos,Ğəzzə tanqədə 2023-ə sori oktyabri 7-iku seonistə işğalçiyə rejimi ın vəhşiyə həmləon bino kardeyku tosə ısət 37 həzosə veyə inson şəhid bıə,85 həzosə veyə inson həm zədəjə bıə.