Əlğəssam batalyoni səmtiku, sionistoni hərbiçion və tankon hədəf ğəror doey
Əlğəssami batalyonon Rəfəh şəhrədə sionist rejimi ərtışi hərbiçion və tankon hədəf ğəro doşone.
Bə İrna raporti əsos, Fələstini İslomi Muğaviməti hərəkəti hərbi baxş, şəhid Ezzeddin Əlğəssami batalyonon qıləy bəyoniyədə elonış kardə: ım batalyoni canqəkəyon de Yasin 105 rəketon ositə, Əlşabore kəmpədə 2 qılə sionist rejimi ləşkəri Mekavay tanki məhv kardışone iyən Ğəzzə tanqə cənub, Rəfəh şəhrədə çand nəfər sionist rejimi hərbiçi həlok ya zəxmin kardışone.
Həminə cəhətədə sionist rejimi ləşkər qıləy bəyoniyədə etırofış kardə ki Ğəzzə tanqədə, dəvardə ruji şəvədə daveon cərəyonədə 6 nəfər ım rejimi hərbiçi zəxmin bin.
çımiku bənav sionist rejimi mediyaon elon kardəşon be ki zəxmion miğdori ki ım rejimi ərtış elon kardedə de çəy noxəşxonəon stitistikaon veyə ixtilofış heste.