İmom Sadığ(ə)

İmom Sadığ(ə)

İmom Sadıği(ə)mınozirə iyən debatonədə bıə metod çe vəhdəti amil be,nəyinki,çe coəti iyən cidoli amil.zira ə həzrət bə Ğıroni”cidale-əhsəni” fərmoni rioyət kardedəbe ki,Xıdovənde-Xalığ Nəhli mıborəkə surə 125-ə şərifə ayədə bəştə pəyğobəri jıqo hamyedə:”idfə billəti....mərdumi de dəlil iyən çokə pandi bəştə pərvərdıqori roy vanq bıjən iyən bın royədə de veyçokə şivə deəvon mıcodiləkə.hukmən ıştı rəbb çəy roy qim kardə kəsi vey çok zıneydə və Əv,çe səbəro bıə kəsonku(həm) vey aqahe”.

Çın iddiyo nımunə əyoe ki,qıləy zəmon çe İmom Sadıği(ə)şoqirdonku qıləyni bıə Mufəzzəl çe İbn Əbil Ovca nomo qıləy fərdi bə İslomi əğedəvi məsələon həxədə nodırıstə kəlom iyən ədəbiyyoti xoto əsəbin be iyən bəy xitobən joqo voteşe:ha Xıdo dışmen ha!... İbn Əbil Ovca ki,qıləy mulhid iyən ateistə fərd be, bəy voteşe:”ehyanə tı çe kəlomi əhlişbu detı mıbohisə bəkardem və əqər jıqo nişbu,ne.əmmo ehyanə tı çe Cəfər ibn Muhəmmədi əshobişbu Əv,demı jıqo qəp jeydəni və bənə tı qıləy dəlil vardedəni. Əv, komilə surətədə bəmə quş doydə və çəmə dəlili famedə.joqo ki,əmə fik kardedəmon Əv,həni bəçəmə sıxanon təslim bıə.əmmo Əv, de qıləy mıxtəsərə kəlomi çəmə cəvobi doydə.əqər tı çəy əshobikuşbu,bənə əy qəp bıjən.(Biharul-Ənvar-Məclisi-c-3-s-58)...

Vəhdət iyən sulhamizə formədə jiyey iyən de əhlı-sınnəti və de co fırğəon mıdoro kardey,qıləy mevzuonku be ki,bənə çe şiəyon şəri vəzifə unvoni de İmom Sadıği(ə) təvəssıti çəyku bəhs kardey beydəbe.ə həzrət həmmə mısılmınon çe İslomə dini fərəznd iyən de iyande bıvə zıneydəbe.İmom Sadığiku(ə)omə rəsə qıləy rəvoyətədə ə həzrət bəştə şoqirdonku qıləyni ki,nomış Zeyd be,xitobən joqo hamyəşone:”De əhlı-sınnəti deçəvon adət iyən əxloği rəftorkənən,çəvon nımojonədə iştirokənən, bəçəvon noxəşon iyodəti bışənən iyən çəvon təşyi cənozəonədə iştirok bıkənən.və ehyanə məçitonədə deəvon bə ico nımoj handero cəmoəti imomət iyən əzon votey fırsət bə əməl ome,əy bə vırə bırosnənən. zira əqər şımə şiəyon ın ko əncom bıdon,əvon jıqo bəvoteyn:ımon çe İmom Sadıği(ə) tərəfdoronin. Xıdovənd bəy rəhmətko ki,ıştə şiəyon iyən tərəfdoronış veyçok tərbiyəş kardə”.(Vəsayiluş-Şiyə Hurr Amili c-15,s-109)....

İmom Sadıği(ə) elmi iyən mədəni səyon boyis be ta rostə islom bəyon bıbu iyən ıştəni İslomə dini rəhbər zınə çe Əbbosi xəlifəon duyəvojə iddiyon bərməlo bıbu.həlbəttə İmom Sadığ(ə) çın ruşinəti kəno de mıxtəlifə forməon ıştə tərəfdoron de xilofəti aparati harcurnə həmkoəti kardeyku nəhy kardedəbe. İmom Sadıği(ə) siyrə və şıə ro rujbəruj çə həzrəti mahbubiyyəti iyən hurməti ziyod kardedəbe və veyə alim iyən fəğihon çə həzrəti qırdo cəm beydəbin.harçənd Əbbosi xəlifəon məxsusən xəlifə Mənsur Dəvanıği səy kardedəbe çe həzrət İmom Sadıği(ə)elmi,fiğhi iyən mənəvi şəxsiyyəti kamranq cilvə bıdo, əmmo ın ədovət iyən dışmenəti çə həzrəti həxəti həni həm vey kardedəbe.mənsuri zəmon çe İslomə dini de iftixori pur bıə vaxtonku bə hisob omeydə.İmom Sadıği(ə) umriku oxonə da sor çe mənsuri xilofəti zəmonədə dəvarde və ə həzrət deçəy dasti bə şəhodəti məğami rəse.mənsur çandə kərə İmom Sadığış(ə) bəştə xilofəti mərkəzi vanq jeydəbe iyən ə həzrəti ıştə nəzorəti  jiyədə oqəteydəbe.çunki,qıləy bəhonəş bə dast vardeyış nızıne,əve məcbur be,ə həzrətış ijən sənibəton bə Mədinəş oqordıne.İmom Sadığ(ə) adətən bə mənsuri sarayi şe-omeyku oqıniyəbe iyən dılış nıbe əyo bışi,əve bə həmonə dəlili xoto,ə həzrət hejo bə ın ko ıştə etırozi nışon doydəbe.iruj mənsur bə həzrəti jıqoş vote:çıro bənə cokəson bəçımi dido omeydəniş?.İmom Sadıği(ə)hamyeşe:Əmə qıləy komon kardəmon ni ki,bəçəy xoto ıştı bıtarsəmon iyən çe axıtəti koyku ıştı palu qıləy çi niki,bəy umudəvo bıbəmon”....