Nəhcul-Bəlağə pand iyən hikməton
Nəhcul-Bəlağə pand iyən hikməton
Və ğalə Əli(ə)liyunfiğu zu səətin….bəpe ğudrətin)ərbobə)odəm ıştə moliku xarc bıko iyən hakəs ki,çəy ruzi tanq bıbu,bəpe Xıdovəndi bəy doə çiyonku sədəğə bıdo iyən infoğ bıko.Xıdo bə hiçkəsi ğərəz bəy doə çiyon əndozədə co qıləy vəzifə və məsuliyyət doydəni.Xıdovənd rəyrə çe saxti bədiqə hostonəti hozzı bəkarde.
Kərimə-Ğıronədə həm sədəğə bə niyozmandon koməq iyən çəvon dastiku qətey mənoədə bıə iyən həm de bə cokəson kardə xəyə koon iyən ehsoni roy vositə çe insoni rufi iyən mənəvi zumand və barz kardey mənoədə həm omə.veyə mısılmonon hestin ki,ıştə ibodi əməlon bə vırə rosneyədə vey fəolin və aktivin.yəni əvon ıştə nımojon çəy sıftənə vaxtədə votedən iyən əvon ıştə vocibə rujonsə əlovə,mıstəhəbbi iyən səvobə rujə həm qəteydən.əmmo çoko ki,əvon bə infoği və baxşi koy rəseydən,ısət çı bənə xoms iyən zəkoti bıə vocibə koon bıbu ya bənə mıstəhəbbə koon bıbu,xəsisəti kardedən və infoğ kardedənin.və holın ki,ehyanə inson har ruj de sədəğə doey ko məşğul bıbo iyən molonku xarc bıko,ım ko çəy imoni sutunon zumandətiyədə vey təsirine.
Əmirəl-Muminin Həzrət İmom Əli(ə) Nəhcul-Bəlağə 146-ə hikmətədə boştə imoni hifzi və con iyən moli hifziro jıqo tevsiyə kardedə:”Susu imanəkum bissədəğə….ıştə imoni de sədəğə doey oqətənən iyən ıştə mol-əmvoli de zəkot doey biməkənən iyən de dıvo kardey çe bəlo ləpəon bə diyəro bıkənən”.
Xıdovənde-Xalığ Bəğərə mıborəkə surə 186-ə şərifə ayədə bəştə pəyğombəri xitobən jıqo hamyedə:”çımı bandəon tıku çımı barədə dəparseyədə,(bızınon ki)az bəvon nezim.peşo jıqo əlovə kardedə.mı,çe dıvo kardə kəsi dıvo mıni vanq kardə zəmonədə icobət və ğəbul bəkardem. İmom Sadığ(ə) hamyedə:”İnnə İndəllahi…Xıdovəndi nəzdədə,çəy plau qıləy məğam heste ki, dıvo nıkardə holədə bəy rəsey nibəbe”.
Əmmo çın ibodəti co qıləy xususiyyətış həm heste.min cumlə ıme ki,həm bəlo bərtərəf kardedə və həmən bə veyə xoş nıomə hodisəon mane beydə.bəçəy xoto,çəmə dini rəhbəron,imomon ha ruj dıvo kardey iyən asayiş iyən oroməti rujonədə de dıvo məşğul beyışon sıfarış kardə. pəyğombəre-əkrəmi(s) jıqoş hamyə:”İdfəu əmvacəl bəlayi biddua...bəlo ləpəon de dıvo oqordınənən.ə həzrət həmçinin co qıləy kəlomədə çe dıvo kam bey bə bəlo ziyod bey boyisəti həxədə jıqo hamyedə: ”İza ğəllə dua....havaxti ki,dıvo kardey bəkam bıbu,bəlo nozil bəbe”.....
