Nəhcul-Bəlağə pand iyən hikməton

Nəhcul-Bəlağə pand iyən hikməton

Həzrət İmom Əli(ə) Nəhcul-Bəloğə 147-ə hikməti 3-ə baxşədə çe elmi de sərəvəti miyono bıə tafuton dəvomədə jıqo hamyedə:”vəlilmu hakimun vəlmalu məhkumon ələyh-elm hakim iyən fərmonədəy və mol fərmon ğəbuləkə”.

Əmirəl-Muminin imom Əli(ə) çın hikməti bın baxşədə çe elm iyən alimi dayimiyə hukumət iyən zumandətiku bəhs kardedə.

Harçənd bəziyon çe İmom Əli(ə) ın kəlomi bə İlahi iyən dini elmon irtibot doydən və deəy anqıl jeydən,əmmo həyğət ıme ki,həmmə elmon izzət və ğudrət ofəyedən iyən bəçəy soybon barzəti boyiis beydə.çoko ki, ısətnə dınyoədə ə milləton ki,çe elm iyən zıney ğulləonışon fəth kardə,bə co qılə milləton hukmronəti kardedən ki,ım çe həmonə “vəlilmu hakimun” kəlmə mənoye.

Bəle,de mevcud bıə dınyo siyosi-ixtisodi kateqoriyə və təğsımon lıski dığğət kardey,de ruşinə formə səbərəsemon ki,əğəti iyən iftixor bə kişfəron ayide ki,çe cokəsonsə ziyodə elm və fənnonku bəhrə bardedən.harçand ki,çəvon mənəviyyoti nəzəku qıləy kaməti,noğisəti iyən muşkiloton və veyə zəyifə noxtəonışon həm bıbon.

Bə dumo oqətə bıə ya bə istemori məruz mandə kişfəron,harçand bə veyə təbiyi ehtiyoton iyən qəncinə mədənon və resurson malikin və potensiyalə formədə çe hovujə maddi imkonat və ğudrəton soybin,əmmo bo bəçəvon istehsol,istixroc iyən iktişofi ğudrəti nıbey dəlili və bəçəvon ixtiyorədə niyoz və ehtiyoc bıə elmi  zu nıbey dəlili xoto,çəvon ğərəz boc doey ya de sanqin və ya hətto de nokəçəti ğıyməti elmi xıdməton hıriye co qıləy roşon mandəni.Məhəmməd Cəvad Muğniyə”Fi zilali Nəhcul-Bəloğə” kitobədə bın zəminədə jıqoş nıvıştə:Mısılmınon çe dıjdə xəzinəon peyo nıştən ki,ğərbıvıjon nişone.əmmo ğərbıvıjon çe elm iyən zınemoni soybin ki,ım həm bəçəvon siyosi iyən ixtisodi məsələonədə bıə barzəti səbəb bıə.əmə çe xəzinə iyən sərvəti soybimon və əvon çe elm iyən xəbərdorəti soybin və bə həmonə dəlili xoto,əvon hətto bəçəmə xəzinə iyən sərvəton həm hukumət kardedən.

Imruj bəşəriyyət məxsusən çe nodonəti iyən cəhli şəlloği jiyədə bıə iyən bəşəri elmi kərvoniku bə dumo mandə camiyə iyən kişfəron de bəşəri elmon alim iyən pərçəmdoron bə ico sıvoy səy iyən cəhdon co qıləy çorəşon ni.çəvon dınyo iyən axırəti ovdonəti və obodəti,çe elm iyən fənnon inkişofi qirovədəy ta ıştə xıdməton şuo çoko ki,ımrujnə niyoz və ehtiyocon tələb kardedə,hevuj bıko və mıxtəlifə sahəonədə de bə elm iyən fənnon dast pəydo kardey,bə qıləy loyığə hakimiyyət iyən zumandəti malik bıbon.xoşbəxtonə İron İslom Respublikə çe İslomi İnğılobi bədiqə dığğət kardəninə formədə qıləy navşemonış bıə.joqo ki,ısət çe nano-damoni tolid iyən istehsolədə dınyoədə haftminə vırədə və çe nano nuyə elmədə dınyo çominə məğamış bə dast vardə. həmçinin İron dınyoədə çe rekombinant hemofiliya faktori 7 və 8 damonon istehsolədə bənə dıminə kişfəri unvoni zıney beydə və və dınyoədə bənə zumandə lazeri soxtə  5 qılə kişfəri miyono ğərol qəteyış zınə.həmçinin bın miyono besonəti mıolicə sahədə bıə damonon soxteyədə dınyoədə çominə vırədə iyən oftalmoloqiyada və çəşi mıolicədə dıyoədə ponzəminə dərəcə bə İroni rəsə.İron de zumandəti çe dıli cərrohiyə iyən dıli klapani sahədə dınyo 10 qılə barzə kişfəron miyono ğərolış qətə...