Əbədiyə ətr

Əbədiyə ətr

İslomi de rasiyonaləti iyən ağliku co bey mıttəhəm kardey,anədə zolımonəy ki,qıləy bədihi ko inkor kardey.həşi mənafe inkor kardey ya çe həşi nuri bə həşə jey.kom osmoniyə kitobədə ın həmmə mıxotəbon bo təfəkkur iyən təəğğuliro əmr kardey bıə.”Ləəlləkum tətəfəkkərun”,”Ləəlləkum tə`ğilun”.İlahi təkvini ayəonədə tədəbbur kardey.kom osmoniyə kitobədə iminə xitobədə bə elmi,bə ğələmi,bə təlimi dığğət kardey bıə iyən bəy əhəmiyyət doey bıə.və ımruj əqər ğərbi dınyo çe elm iyən elmi inkişofi kəno qıləy mevğıyyətış hestebu,kom insofinə torıxəvon iyən mıtoliyəkə təsdığ nibəkarde ki,ımış çe islomi dınyokuş peqətə.miyonə əsronədə ki,çe ğərbi dınyo iyən avropə qıləy toyki,zılmətin iyən siyoə əsron be,əmmo İslomi dınyoədə bənə ibn Sina,Farabi iyən bənə ımi alimon elmi ozavziye,təəğğul,əndişə iyən fəlsəfə inkişofi devron be....

Ğıroni məclison bəpe ziyod kardey bıbu.çanədə kardey zıneydon çe Ğıroni təlimi ko vey bıkənən.Ğıroni məno,Ğıroni məfhumon,ımoni bəyjikənən.ımi mı bəçəmə əzizə tilovətəkəyon ki, ımruj xoşbəxtonə cənobonku kali qıləyniyon ki,handəşone,bə ın cəhəti vey çok rioyət kardəşone-ərz kardedəm ki,handey keyfiyyətədə,çe Ğıroni ayəon məfhumi mıcəssəmkənən.çoko ki,qıləy çok iyən xoşəzıvonə diktor məsələn qıləy zəmon ki,.şeyr handedə,kəlməon jıqo ədo kardedən ki,çə həmonə kəlomi həmmə məno bo mustəmi iyən məsəkəson bəyji beydə-bənə çəmə xoşbəyonə icroəkə.qıləy vaxt ki,çok sehbət kardedə,çok şeyr bıvoto,çok qəp bıjəno,kəlməon de qıləy mınosibə ləhn iyən toni ədo bıkon,çə həmonə kəlmədə mevcud bıə qırd məno iyən məzmuni təhvil bıdo,mustəmi iyən əməson ımi təhvil seydən.Ğıroni tilovət bəpe ıncur bıbu.bın kəlmədə bıə qırd məzmun,de barzə vanqi ya ahəstə handey və ovc qətey iyən saru omey və sovti əvəz kardey və çandə nev ədo,bəpe ıştəni bə mıxotobi nışon bıdo.həlbəttə,bo əkəson ki,Ğıroni məno zıneydən.çən,binobərin bəpe Ğıroni zıvon omutey bıbu.çanədə mumkine de Ğıroni zıvoni bəpe uns qətey bıbu.de Ğıroni uns qətə kəson veyni ərəbi zıvonışon həm handəni,əmmo Ğıroni handə zəmonədə çəy məno famedən. əmə vey vindəmone ki,ərəbə klas iyən dərson və bərnoməşon həm handəşon ni,əmmo de Ğıroni unsiyyətədə bey,tikror kardey iyən Ğıroni ayəon handey xoto,Kərimə-Ğıron tilovət bey zəmonədə və qıləy ayə handedən,çəy məno dərk kardedən.de ziyodə unsi çe ayə məno famey mumkine.bəpe çəmə de Ğıroni irtibot ziyod bıbu.....

Xıdovənd bəştə pəyğombəri hamyedə:”Ğumiləyli...şəvi de Xıdo zikri dəvordın.şəvi muhimmə baxşi nımoj bıvot,bə Xıdo mıttəsil bıbu.çıro?.zira:İnna sənulqi...bətı qıləy sanqinə xitobe.ıştəni hozzı bıkə.boçımi xotoye.binobərin,çəmə veyə ehtiyocımon heste.co mərdum həm bəçəvon mıxtəlifə dərəcəon nisbətədə,bə nımoji niyozışon heste.nımoji əhəmiyyət ıme və nımojədə muhimmə çi və bəpe bəy təkid kardey bıbu,çe nımoji usuli tərvici bədiqə-ki,həmmə nımojəvoton bəpe əy əncom bıdon və həmmə nımojəvoton bıbon-çe bə nımoji dığğət kardeyku iborəte.həmonə çi ki,bəy “Huzurul-Ğəlb”votedən.huzuru-ğəlb.təvəccuh və dığğət qıləy koye ki,bə təmrin iyən məşği ehtiyociş heste.əkəson ki,ın koon kardedən və zıneydən,bə omuteydən ki, inson bəpe nımoji holədə ıştəni qıləy şənış ali bıə mıxotəbi vədə ki,hestemoni aləmi xalığ iyən çe insoni vucudi həmmə malike,çəy huzurədə hiss bıko.inson çanədə nımojədə ıştə ın holəti oqəto,bə rəvoyəton təbiri əsos,ın nımoj məğbule iyən əv,qıləy xosyət və təsir bəbaxşe.....

Qıləy tevsif ki, Mıtəolə-Xıdo iminə dərəcədə bo mıvəhhidə camiyə bəyon kardedə:”Əlləzinə in məkkannəkum...ın,çe nımoji əhəmiyyəte.bın meydonədə hərəkət kardero ki,həmməysə lozım bıə çiy,dıqlə çiye.qıləyni ənqizə və votivasiyə.həmonə daxili ğıvvə ki,bə insoni hərəkət doydə və bə ro dəğandə.coqləyni həmonə ğutbnomə ki,inson bəpe həmonə ro nışon doə astovə viro benıko iyən çəy cəhət kəc nıbu.ehyanə ənqizə və votivasiyə nıbu,inson roy miyono bəmande.muşkilot ziyode.tohidi camiyə iğomə və bərpo kardey,bəşəri miyono ədoləti bərpo kardey,çe botılə həvopərəstəti qırd ın tufonon miyono həxı xıyməon bərpo kardey,qıləy hostonə ko ni.qıləy ənqizə və votivasiyə lozıme.ın ənqizə bə Xıdo təvəccuh iyən dığğətiku iborəte:”Zikrullah-pərvərdıqoriku mədəd və koməq sey.koy de Xıdo hisobi əncom doey.və həmonə ğıblənomə həm iborəte bə koy hədəfi dığğət kardey və ısət çəmə məğsəd ğudrət və zu ni,həvopərəstəti ni,şəxsi oruzuon ni.siyosi mıxtəlifə mılohizə və nəzəon ni.bəlkəm,çəmə hədəf Xıdoye.ım dıqlə xıslət,ım dıqlə muhimmə amil,yəni motivasiyə iyəncəhət qətey,nımojədə xulosə bıə…