Əbədiyə ətr

Əbədiyə ətr

Fələstin bə Fələstınıjon ayide və bəpe deçəvon irodə idorə kardey bıbu.çe Fələstini həmmə dinon və etnosonku referendumi plan ki,bə vist sori neziye ki,çəyku bəhs kardey beydə,yeqanə nəticəy ki,bəpe Fələstini ımrujnə iyən maşkinə problemon tənzim kardey bıbu.ın plan nışon doydə ki, antisemitizmi iddiyo ğərbıvıjon deştə siqnalon əy tikror kardedən,kulliyə fromədə beəsose.bın planədə yəhudi,məsihi iyən mısılmonə Fələstınıjon iyənde kəno və qıləy referendumədə şirkət bıkon və çe Fələstıni kişfəri siyosi nizomi təyin bıkon.hukmən bəpe sehyonsit rejim bışo iyən sehyonizm ıştən yəhudi ayinədə qıləy bidəte və komilə surətədə deəy ziddiyyət təşkil doydə.

Oxoyədə çe Ğudsi şəhidon xotırə çe Şeyx Əhməd Yasiniku və Fəthi Şəğayiğ və Seyd Əbbos Musəviku tosə İslomi yolə sərdor və çe mığoviməti çe viro benışə çehrə Şəhid Ğasım suleymoni iyən İraği yolə mıcohid Şəhid Əbu Məhdi Əlmuhəndis və çe Ğudsi co şəhidon qiromi qətedəmon bə şənış yol bıə İmom Xomeyni(r) rufi ki,izzət iyən cihodış bəçəmə dimiş oj kardə,səlom vığandəmon və həmçinin bo mıcohidə bıvə  mərhum Huseyn Şeyxul-İslom ki,çandə soron bın royədə səyon kardeşone,boəvon İlahi rəhməti tələb kardedəmon...

İslomi cihod bo əğedə təhmil və məcbur kardero ni.bo de əkəson mıborizə bardeyroye ki, insonon boştə nokə kardedən.İslomi cihod de milləton canq kardey ni.bəlkəm,de sıtəqər iyən zolımə ğudrəton canq kardeye.ın,İslomi torıxe.ın,çe İslomi rəhbəron funksiyəy.ın,çe İslomi rəhbəron tevsiyəy.Əmirəl-Muminin(ə) ıştə xitob iyən fərmonədə bə Malik Əştəri ın əbədi iyən viro benışə cumləşon heste ki,hamyedən:əkəson ki,tı deəvon əyo dimbədim omeydəş,əvon ya detı əğedə cəhəto bıvən və ya “Və əmma şərikun ləkə filxəlği”-ya inson beyədə detı şərikin.hətto əkəson ki,əğedə nəzəku detı həmro və bəico nin,əmmo insonin.bəpe de insoni qıləy kəromətinə rəftor kardey bıbu.”La yənhakum...-ım çe Ğıroni dəstur iyən əmre-de kuffori –de əkəson ki, deşmə həm əğedə nin,əmmo bəşmə təcavuzışon kardəni,təərruzışon kardəni,deşmə zolımonə rəftorışon kardəni,deəvon de ədoləti rəftorkənən,çokikənən.”Və in təbərruhum”...bəvon çoki bıkənən.çe islomi dəstur ıme...

Pəyğombəron həm ıştə həmmə hərəkətonışon çe fərdon rufi inğılobiku binoşon kardə.ısət Əmirəl-Muminin(ə) hamyedə:”Liyəstə`duhum.....və Yusiru....,həmone.”Yəs....”yəni həmonə insoni daxilədə noə bıə məxfiyə təbyəti iyo oğo kardedəbin iyən əvoni vodor kardedəbin bə təhərruk və əməliyyoti hidoyət kardey  və bə insonon hərəkəton səmt.İmom ın curnə çiyo bino kardedən. mı həlbəttə mıtləğə surətədə iddiyo kardey əzınim ki,çəvon təşkil doə cələson boçəy xoto ki,peşo de siyosi dıjdə inğılobon bə oxo bərəse,az ımi zıneydənim.lakin oşkoə çi ıme ki,ın hərəkət ofəyey,ın mənəvi ğərizə və instinkton təhrik kardey və insoni fıtrət iyən təbyəti çe əxloği dərsiku,təzəkkur iyən pandiku və dılon hozzı kardey,çe buzurquvorə İmomi(r) şivəku be.çiyo ə həzrəti binoş karde ta çe qıləy milləti hevujə səviyyədə təhəvvul və əvəzon icod bıbu.ısət çe mıborizəon devronədə bıbu –ki,az çın təhəvvulonku i mığdori ərz bəkardem –və ya çe İnğılobi səbarzəti bədiqə bıbu,ə həzrət çe kəlmə həyğiyə mənoədə İroni millətədə qıləy təhəvvul iyən əvəzonış icod karde....

Təşəyyu camiyə fəğət bəştə dəvardə soronədə bıə torıxi barzətiyon peştupur ni,bə ayəndə qıləy çəşış heste.i nəfər bə təşəyyu iyən şiyə etığodon əsos bə Məhdəviyyəti məsələ bovəş heste,vey saxtə şərayitədə dıli çe umuku xali zıneydəni iyən hejo bəcədə qıləy umu şulə mevcude.zıneydə ki,toykiyə devron,ın zulmi devron,ın nohəxi təsəlluti devron və botıli zəmo hukmən dəbəvarde.ın çın etığodi noliyyəton iyən əsəron həmməysə muhimmə qıləynikuye.həlbəttə,təşəyyu bə Məhdəviyyoti məsələ nisbətədə bıə etığod jıqo qıləy bovəy.ın nur doə şulə,ın dəvəşə ruşnə,şiyə camiyəonədə dəvardə əsron dırozi mevcud bıə və ijən həm mevcud bəbe və inşaallah çe mıntəziron çəş kardə devron bome bərəse...